महोत्सव संगै छुट्टै उपसमिति वनाएर सञ्चालन गरिएको प्यूठान डान्स आईडल अन्तिम समयमा विवादित भएको छ । उपसमितिको व्यवस्थापनको असक्षमताका कारण लोकप्रिय मानिएको नृत्य प्रतियोगिता डान्स आईडल निकै विवादित हुन पुग्यो ।

भोटिङ प्रक्रियाका कारण १३ गते विहानै देखी महोत्सवको गेटवाट सुरु भएको विवाद १४ गते प्रहरि चौकिसम्म पुग्यो । प्रतियोगि अर्जुन भण्डारीले आफ्नो प्रस्तुतिका लागि स्टेजमा पुग्न १० मिनेट ढिला गरेका कारण पूर्व जानकारीविना १० अंक कटौति गरियो । प्रतियोगि भण्डारीले आफु सुरक्षाकर्मिको कारण गेटवाट भित्र पस्न नसकेको स्पस्टिकरण मञ्चमै दिएका थिए । प्रतियोगिताको अन्तिम समयमा प्रतिष्पर्धिको सुरक्षा प्रवन्ध वलियो वनाएर एकसाथ स्टेजमा पुर्याउनुको साटो आईडल टिमले १० अंक कटौति गर्दा धेरै दर्शकले आलोचना गरेका थिए ।

त्यस्तै आईडल आयोजकले भोटिङ प्रक्रियालाई पारदर्शि बनाउन सकेनन् । त्यो दिन कति देखि कति क्रम संख्याका टिकटहरु वितरण गरियो भन्ने आयोजक बाहेक न प्रतिष्पर्धिलाई थाहा छ न कुनै तेश्रो निकायलाई । महोत्सवका दर्शकहरुवाट गेटमा कव्जा गरिएका झण्डै १ बोरा टिकट दर्शकले जलाएका थिए । मत गणनालाई पनि विश्वसनिय रुपमा अगाडी नबढाईएको गुनासो चलिरहेको छ । आइडल बिजेताका हुनका लागि ५० प्रतिशत प्रस्तुती र ५० प्रतिशत टिकटको आधार निर्धारण गरिएको थियो । प्रस्तुतीमा निर्णायकको तजबिज हुने भएपनि टिकटमा भने लापरवाहि भएको देखियो । टिकट गणनाको बिधि तय नै नगरी उपसमितिका सदस्यहरु मात्रै सम्मिलित भएर गणना हुनु अर्को त्रुटि थियो ।

गणनामा धादलि भएको महसुस भएमा प्रतियोगिहरुले पुनः गणना माग गरेको खण्डमा आयोजकले ति टिकटका मुचुल्काको व्यवस्थापन नगरी जलाएको भन्ने सुनिएकोले आगामी दिनमा यस्तो हदै सम्मको लापरवाहि नहोस । किनकि स्थानीयको कला प्रवद्र्धनका लागि आयोजित प्रतियोगिताले उनिहरुको गला नसमातोस् ।