स्वतन्त्र विद्यार्थी युनियन स्ववियु निर्वाचन नजिकिएस‌गै जिल्लाका क्याम्पसहरुको चहलपहल वढन थालेको छ । आगामी चैत ५ गते हुने निर्वाचनका लागि सवै विद्यार्थी स‌गठनहरुले आ‍-आफ्नो तयारी थालेका हुन् ।

जिल्लाका क्याम्पसहरुमा १४ वर्षदेखी स्ववियु निर्वाचन हुन सकेको छैन । ५ वर्षअघि हुने भनिएको निर्वाचन अन्य जिल्लाहरुमा भएपनि प्यूठानमा विद्यार्थी स‌गठनविच उत्पन्न विवादका कारण हुन सकेको थिएन ।

क्याम्पसमा कमै पुग्ने विद्यार्थी स‌गठनका नेताहरु स्ववियू निर्वाचन नजिकिदै गर्दा जिल्लाका ५ वटै क्याम्पसहरुमा पुग्न थालेका छन् ।

क्याम्पसहरुमा १९ गतेभित्र स्ववियू निर्वाचनमा भाग लिने स‌गठन दर्ता गर्ने समय छ भने आगामि २७ गते उम्मेद्वारको मनोनयन दर्ता हुनेछ । जिल्लामा अनेरास्ववियू, नेवि स‌घ, अखिल क्रान्तिकारी, विप्लवनिकट अखिल क्रान्तिकारी र अखिल छैठौ क्रियाशिल छन् ।