२० फागुन २०७९ प्यूठाननेकपा (एमाले) केन्द्रीय कमिटीले संचालन गरेको र जिल्ला कमिटीको जिम्मेवारी अनुसार ‘मिसन ग्रासरुट’ अभियानमा सहभागी हुन ऐरावती गाउँपालिका–२ हरियाटारी (टिकुरी)बाट सरुमारानी गाउँपालिका–२ जाँदै गर्दा जिल्ला कमिटी प्यूठानका सदस्य क. रामबहादुर थापा (गोपाल) दुर्घटना परि मृत्यु भएकोे सम्झनामा नेकपा एमालेले तीन दिन शोक मनाउने भएको छ ।
नेकपा एमाले प्यूठान जिल्लाका पार्टी अध्यक्ष बिजयविराज बिष्टको बिज्ञप्ती द्वारा आज एक वक्तव्य निकाल्दै शोक मनाउने नेकपा एमालेले निर्णय गरेको हो ।
त्यस्तै पार्टीले यहि फागुन २१, २२ र २३ गतेका लागि पूर्व निर्धारित सम्पूर्ण औपचारिक कार्यक्रमहरु समेत स्थगित गरेको छ ।
फागुन २१, २२ र २३ गते (तीन दिन) पार्टी जिल्ला कार्यालय, पालिका कार्यालय र वडा कार्यालयमा नेकपा एमालेले झण्डा आधा झुकाउने पनि निर्णय गरेको हो । फागुन २१ गते भोलि आइतबार विहान ७ः३० बजे शहिद उमेशचन्द्र स्मृति प्रतिष्ठान भवन विजुवारमा पार्थिव शरिर राखि श्रद्धाञ्जली अर्पण व्यक्त गर्ने भएको छ ।
आज विहान १०.४५ बजे चेरनेटा–बरौंला सडक खण्डको माण्डवी गाउँपालिका–५ आँपचौरमा जेसिविसँग ठक्कर खाँदा थापाको मृत्यु भएको थिायो ।
दुर्घटनामा परि नेकपा एमाले क. बसन्ता आचार्य शक्त घाईते रहेका छन् । आचार्यको स्वास्थ्य लाभको कामना समेत पार्टीले गरेको छ । ।
उनको अवस्था जटिलता भएको भन्दै जिल्ला अस्पताल विजुवारमा उपचार पछि थप उपचारका लागि बुटवल रिफर गरिएको छ ।
जिवनभर राजनीतिमा सक्रिय रहँदै आउनुभएको क. रामबहादुर थापा पार्टी जिम्मेवारीकै क्रममा भएको असमायिक, अकल्पनीय दुःखद् निधनले हाम्रो पार्टीलाई अपुर्णनीय क्षति पुगेको छ । यस शोकको घडिमा उहाँप्रति भावपूर्ण श्रद्धाञ्जली अर्पण गर्दै शोकाकुल परिवारजन प्रति गहिरो समवेदना व्यक्त गर्दछौं ।
उहाँको योगदानलाई पार्टीले सदैव स्मरण गरिरहनेछ वक्तव्यमा उल्लेख छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
