प्यूठान जिल्ला सहित देशभरका पहाडी तथा हिमाली जिल्लाहरुमा फागुपूर्णिमा अर्थात (होली) पर्व मनाईएको छ । प्यूठानमा धेरै जसो केटाकेटी तथा यूवायूवती, जनप्रतिनिधी, कर्मचारी, शिक्षक लगाएतले पर्यटकीय स्थलमा भेला भएर एकआपसमा अबिर दलेर नाँचगान गर्दै फागुपूर्णिमा (होली) पर्व मनाएका छन् ।
जिल्लाका विभिन्न पर्यटकीय स्थलहरु मल्लरानी, झुलेनी, नौबहिनी स्याउलीवाङ, ठुलीलेक, ओखरकोट, लगाएत अन्य पिकनिक स्पोर्टहरुमा गएर हर्सोउल्लासका साथ होली पर्व मनाएका हुन् । सरकारले फागुपूर्णिमाको दिन सार्वजनिक विदा दिएसँगै गैर सरकारी तथा सरकारी संघसंस्थाहरुले पनि पर्यटकीय स्थलमा पुगेर औपचारीक कार्यक्रम गर्दै होली मनाए । जिल्ला प्रशासन कार्यालय प्यूठानले फागुपूर्णिमा मनाउँदा विशेष सर्तकता अपनाउन भन्दै विभिन्न नियमहरु जारी गरेसँगै पूर्ण रुपमा नियमको पालना गर्दै सौर्हादपूर्ण बातावरणमा होली मनाइएको छ ।
होली मनाउनका लागि जिल्लाका पर्यटकीय स्थलहरुमा जानेको चापँ धेरै भएकाले यसपाली गाउँघर, सहर बजारमा भने त्यती चहलपहल देखिएन् । पर्यटकीय स्थलमा गएर पर्व मनाउँदा पर्यटकीय स्थलहरुको प्रचारप्रसार भए पनि होलीको मौलिकता भने हराउँदै गएको पुर्खाहरु सुनाउछन् ।