गौमुखी गाउँपालिकामा लेखा र जिन्सी व्यवस्थापन सम्बन्धि ३ दिने तालिम सम्पन्न भएको छ । गौमुखी गाउँपालिकाको शिक्षा युवा तथा खेलकुद शाखाको आयोजनामा पालिका मातहतका आधारभुत तथा माद्यामिक विद्यालयका ४५ जना प्राधानाध्यापक तथा लेखा शिक्षकहरुलाई दोहोरो लेखा प्रणाली सम्बन्धि अभिमुखीकरण गराइएको हो । साथै अनलाईन माध्यमबाट लेखा व्यवस्थापन कसरी गर्ने भन्ने विषयमा तालिम दिइएको तालिमका प्रशिक्षक याम बहादुर खत्रीले बताए ।
समापन तालिममा गौमुखी गाउँपालिका अध्यक्ष विष्णु कुमार गिरीले कार्यक्रमको समापन गर्दै विद्यालयलाई सूचना तथा प्रविधिमैत्री विद्यालय बनाउनमा तालिमको महत्वपूर्ण भुमिका रहेको बताए । शुक्रबार देखी गौमुखी गाउँपालिकाको सभाहलमा सुरु भएको कार्यक्रम आइतबार सम्पन्न भएको हो । गौमुखी गाउँपालिका अध्यक्ष विष्णु कुमार गिरीको अध्यक्षतामा सञ्चालित कार्यक्रमको सञ्चालन प्रशासनिक अधिकृत दुर्गा सुवेदीले गरेका थिए ।