नेपाल नेत्रज्योति संघ जिल्ला शाखा प्यूठानले विविध कार्यक्रम गरेर आफ्नो ४५ औँ स्थापना दिवस मनाएको छ।

दिवसको अवसरमा संघले महेन्द्र नमुना मा.वि खलगांमा रहेका दृष्टिविहिन विद्यार्थीहरुलाई ब्रेलपेपर, कापि र जिल्ला कारागार प्यूठानमा रहेका कैदिबन्दिहरुका लागि आँखा परिक्षण तथा औषधी वितरण गरेको छ ।

शाखाले आफ्नो ४५ औ दिवसको अवसर पारि उक्त कार्य गरिएको संस्थाका सचिव दामोदर शर्माले जानकारी दिए । महेन्द्र नमुना मा.वि खलगांका १० दृष्टिविहिन विद्यार्थी र जिल्ला कारागार प्यूठानमा रहेका ७१ जना कैदिबन्दिहरुका लागि निशुल्क आँखा परिक्षण र औषधि वितरण गरेको हो ।

संस्थाले “हाम्रो कर्तव्य हाम्रो जिम्मेवारी, आँखा सेवामा साझेदारी” भन्ने नाराका साथ कार्यक्रम सञ्चालन गरिएको थियो ।

नेपाल नेत्रज्योति संघ जिल्ला शाखा प्यूठानका सभापति केशव कर्मचार्यको अध्यक्षतामा सुरु भएको कार्यक्रममा संस्थाका पूर्व सभापतिहरु शिवराज श्रेष्ठ, अर्जुन कुमार कक्षपति, निमित्त प्रमुख जिल्ला अधिकारी मेघराज सोनी, जिल्ला प्रहरी कार्यालयका प्रहरी निरिक्षक, महेन्द्र नमुना मा।वि खलंगाका प्रधानाध्यापक लगायतको उपस्थित रहेको थियो भने कार्यक्रमको सञ्चालन संस्थाका सचिव दामोदर शर्माले गरेका थिए ।