बिबश जि एम २०७९ चैत्र १८
२०७९ चैत्र १८प्यूठानमा टिप्परले ठक्कर दिएर एक महिला घाइते भएकी छिन् ।
प्यूठान नगरपालिका ७ टिकुरी बसपार्क नजिकै आज विहान ९ः५० मा गिट्टी अनलोड गरि व्याक गर्ने क्रममा लु २ क ३८८९ नं को टिप्परले गौमुखी गाउँपालिका ७ नारिकोटकी पैदल यात्री गिता विश्वकर्मा घाइते भएकी हुन् ।
उनको जिल्ला अस्पताल बिजुवार प्यूठानमा उपचार भइरहेको छ ।
विश्वकर्माको स्वास्थ्य अवस्था गम्भिर रहेको जिल्ला अस्पतालक प्यूठानका निमित्त मेडिकल सुपरिटेन्डेन्ट प्रमिला खनालले बताइन ।
घाइतेको वाँया पट्टिको खुट्टाको हड्डि भाँचिएको हुँदा अवस्था गम्भिर भएको अस्पतालले जनाएको छ ।
टिप्पर चालक प्यूठान नगरपालिका १० हाडिगैराका २६ बर्षिय दिपक नेपाली फरार छन् ।
फरार चालकको खोजि कार्य भइरहेको जिल्ला प्रहरी कार्यालय प्यूठानका प्रहरी निरिक्षक सुशिल थापाले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
