२०७९ चैत्र २६प्यूठानमा हिजोआज हिउँदेखेति भित्र्याउन किसानलाई चटारो छ ।
गाउँका किसान आफै झाटेर, चुटेर खेति भित्र्याइरहेका छन् । तर, प्यूठानको उर्भरभूमि मानिने झिमरुक फाँट क्षेत्र आसपासमा भने गहुँ थ्रेसिङ मेसिनको प्रयोग गरेर किसानहरुले गहुँ भित्र्याइरहेका छन् ।
प्यूठान नगरपालिका ४ की किसान शुशिला पुलामीले १० रोपनी जग्गामा गहुँ थ्रेसिङ गरेको बताइन् ।
ज्यामीले काम गर्दा ४ जनालाई ५ दिन लाग्ने काम थ्रेसिङ गर्दा २५ मिनेटमै सकिएको बताइन् ।
त्यस्तै अर्की किसान प्यूठान नगरपालिका ४ जुम्रीकी मिनाराना मगरले पनि नयाँ प्रविधिको प्रयोगले खेति भित्र्यान सहज भएको बताइन ।
गहुँ थ्रेसिङ गर्दा सञ्चालकले मिनेटको ८० रुपैयाँ लिने गरेका छन् ।
तेलको मुल्य घट्दा थ्रेसिङको मूल्य पनि घट्नु पर्ने किसानको माग छ । तर स्थानीय सरकारहरुले गहुँ थ्रेसिङ गर्नका लागि न्यूनतम दररेट तोकेका छैनन् ।
जिल्लामा दररेटमा एकरुपता नहुँदा किसान मारमा छन ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
