ऐरावती गाउँपालिकामा पालिका स्तरीय विपद लक्षित द्रुत प्रतिकार्य टोली गठन गरिएको छ।

बुधबार पालिका स्तरीय द्रुत प्रतिकार्य टोली गठन तथा अभिमुखकरण कार्यक्रम ऐरावती गाउँपालिकामा सम्पन्न भएको हो ।

पालिका स्तरमा हुने जुनसुकै महामारी तथा विपद कार्यमा द्रुत रुपमा समस्याको समाधान गर्न विपद प्रतिकार्य समिति र विपद प्रतिकार्य टोली गठन गरिएको ऐरावती गाउँपालिकाले जनाएको छ ।

ऐरावती गाउँपालिका अध्यक्ष नविल बिक्रम शाहको संयोजकत्वमा विपद प्रतिकार्य समितिका बनाइएको छ ।

जसको सदस्यमा गाउँपालिका उपाध्यक्ष कृष्ण प्रसाद श्रेष्ठ, गाउँपालिका प्रमुख प्रशासकीय अधिकृत हिरालाल भण्डारी, विपद व्यवस्थापन शाखा प्रमुख रहेका छन् ।

त्यस्तै ऐरावती गाउँपालिका स्वास्थ्य शाखा प्रमुख बाल गोपाल श्रेष्ठको संयोजकत्वमा विपद प्रतिकार्य टोली गठन गरिएको छ ।