२०८० बैशाख १५सरुमारानी गाउँपालिकाले पालिकास्तरीय युवा सञ्जाल गठन गरेर युवाहरुलाई विसंगति विरुद्ध साक्षरता प्रदान गर्ने कार्यक्रम तय गरेको छ ।
युवा तथा खेलकुद विकास समिति सरुमारानीको व्याबस्थापक, गाउँपालिकाको सहयोगमा अभियान सञ्चालन भएको हो ।
सरुमारानीका ६ वटै वडामा विसंगतिका विरुद्ध साक्षरता तथा खुसी विज्ञान अभियान २०८० कार्यक्रम सञ्चालन गर्ने कार्यक्रम तय भएको युवा तथा खेलकुद विकास समिति संयोजक जागेश्वर पोख्रेलले बताए ।
बिहिबार सरुमारानीको पर्यटकीय स्थल रानीकुवामा ६ वटै वडाबाट युवाहरुलाई सहभागि गराइ कार्यक्रको शुभारम्भ गरिएको पोख्रेलले बताए ।
खुसी अभियान २०८० सञ्चालनको लागि रुपन्देहिबाट हरी पोख्रेल प्रशिक्षकको रुपमा आएका छन् ।
बैशाख १५ देखि २० गतेसम्म वडास्तरमा कार्यक्रम तय भएको सरुमानीले जनाएको छ ।
पालिकाले युवाहरुलाइ शुमार्गमा लाग्न प्रेरणा प्रदान गर्नका लागि वडा स्तरमै सञ्जाल गठन गरेको छ ।
सञ्जालनमा १६ देखि २२ वर्ष उमेर समुहका युवा समेटीएका छन् । वडा सञ्जालनमा १५ दस्य र पालिका स्तरमा ११ सदस्य समिति बनाएको छ ।
यो अभियानमा युवाहरुले आफ्ना समस्या पहिचान गर्ने, जीवनउपयोगी सिपबारे साक्षरता हुने, नमुना युवा संसद चलाउने, विसंगतिका विरुद्ध लाग्ने योजना बनाउने लगायत कार्य गर्नेगरि वडास्तरको कार्यक्रमहरु तय भएको प्रमुख प्रशासकीय अधिकृत देवराज पाठकले बताए ।
सालविया आचार्यको संयोजकत्वमा ११ सदस्य पालिकास्तरीय युवा सञ्जाल बनेको छ ।
