भुकम्प प्रतिरोधी घर निर्माणका लागि डकर्मी तालिम ऐरावती गाउँपालिकामा सुरु भएको छ ।

अब बन्ने पछिका घरहरु भुकम्प प्रतिरोधात्मक तरिकाले बनाउने उदेश्य सहित सो तालिम आज सोमबार देखी पर्सि बुधरबासम्म तीन दिन चल्ने भएको हो ।

गाउँमा घर बनाउनका लागि डकर्मी काम गर्दै आइरहेका व्यक्तिहरुको क्षमता अभिबृद्धि तथा उनीहरुले गरिरहेको कामको थप स्तर बढाउनको निमित्त तालिमको आयोजना गरिएको ऐरावती गाउँपालिकाका प्रशासन शाखा प्रमुख श्रीधर भट्टराईले जानकारी दिए ।

तालिममा  २० जनाले सहभागि जनाएका छन् । प्रमुख प्रशिक्षकको रुपमा ईभान इन्जिनियर्स एण्ड कन्स्ट्रक्सन प्रालिका सञ्चालक पारस भण्डारी रहेका छन् ।

ऐरावती गाउँपालिकाको आर्थिक सहयोग तथा ईभान इन्जिनियर्स एण्ड कन्स्ट्रक्सन घोराही दाङको आयोजनामा तालिम सुरु भएको हो ।

ईभान इन्जिनियर्स एण्ड कन्स्ट्रक्सन प्रालिका सञ्चालक पारस भण्डारीको अध्यक्षतामा सुरु भएको कार्यक्रमको प्रमुख अतिथि ऐरावती गाउँपालिका कार्यबाहक अध्यक्ष चन्द्र बहादर रोका रहेका थिए ।