विद्यालयका स्वास्थ्य शिक्षा फोकल शिक्षकहरुका लागि नाक, कान, घाटीँ, आँखा तथा मुख सम्बन्धि एक दिने अभिमुखिकरण कार्यक्रम झिमरुक गाउँपालिकामा विहिबार सम्पन्न भएको छ ।

झिमरूक गाउँपालिका अन्तर्गत रहेका आधारभूत तह कक्षा १–५ र कक्षा १–३ सम्मका संचालित प्रावि शिक्षकहरुको लागि सो कार्यक्रम गरिएको गाउँपालिकाले जनाएको छ ।

विद्यार्थीहरुलाई पठनपाठनमा ती रोगहरुबाट कुनै समस्या हुन नदिन वा समस्या आइहाले त्यसको समाधान तर्फ जाने बिषयलाई केन्द्रिकृत गरेर कार्यक्रम गरिएको स्वास्थ्य शाखा प्रमुख विकास के.सी को भनाइ छ ।

आँखा, नाक, कान, घाँटी तथा मुख सम्बन्धी कुनै समस्या देखिए तत्काल त्यसलाई समाधानको बाटो खोज्ने र सम्बन्धित ठाउँमा सम्पर्क गरि प्राथमिकता दिएर विद्यार्थीहरुलाई शिक्षा दिने पनि शाखा प्रमुख के.सी ले बताए ।

झिमरूक गाउँपालिकाको आयोजनामा भएको कार्यक्रममा ३२ प्रा.वि का स्वास्थ्य शिक्षा फोकलहरुको सहभागिता रहेको थियो ।

गाउँपालिकाले आयोजना गरेको कार्यक्रमलाई स्वास्थ्य शाखाले सहजिकरण गरेको हो ।

गाउँपालिकाका अध्यक्ष पित बहादुर महतरा क्षेत्री को अध्यक्षतामा सुरु भएको कार्यक्रममा शिक्षा शाखा प्रमुख मोहन वि.सी, स्वास्थ्य शाखा प्रमुख विकास के.सी, स्वास्थ्य उपप्रमुख हरि जी.सी लगायतको उपस्थित रहेको थियो ।