आर्थिक बर्ष २०८० को शैक्षिक शत्र सुरु भइसकको छ ।

विद्यालयहरुमा विद्यार्थी भर्ना भएर अन्यत्र पठन पाठन सुचारु भइसकेको छ ।

तर, प्यूठानको एक विद्यालयमा भने अहिले सम्म कुनै पनि विद्यार्थीहरु भर्ना भएका छैनन् ।

वर्षैदेखि चलेको विद्यालय विद्यार्थी भर्ना नभएपछि ताला लगाउने अवस्थमा पुगेको छ ।

प्यूठान नगरपािलका ४ कार्कीडाँडा स्थित सरस्वती प्राथमिक विद्यालयमा विद्यार्थी नभएका कारण बन्द हुने अवस्था पुगेको हो ।

अघिल्लो आर्थिक बर्षमा त्यस विद्यालयमा ३२ जना विद्यार्थी भर्ना भएका थिए ।

अन्तिम परीक्षमा भने १९ जना मात्र सहभागि भए । त्यस विद्यालयमा दरबन्दिका ३, अनुदानबाट १ शिक्षक छन् ।

२०१२ सालमा स्थापना भएको त्यो पुरानो विद्यालय विद्यार्थी विहिन छ ।

शिक्षकहरु अभिभावकले विद्यार्थी भर्नाका लागि लिएर आउछन की भन्ने आशमा अझै छन् ।

तर, अहिलेसम्म कुनै पनि विद्यार्थी त्यहाँ भर्ना हुनका लागि नआएको प्रधानाध्यापक हरिप्रसाद थपलीयाले बताए ।

विद्यार्थीको घरमै पुगेर अनुरोध गर्दा समेत विद्यार्थी भर्ना नभएको उनले बताए ।

‘यो बर्ष देखी विद्यालयले विद्यार्थीको लागि भनेर बर्षभरि पुग्नेगरि कापी, कलम, ड्रेसको समेत व्यवस्था गर्ने सोचमा थियौ,’उनले भने, ‘तर विद्यार्थी सबै निजीमा गएका कारण भर्ना हुन आएनन् ।’

विद्यार्थी भर्ना हुन नआएको जानकारी प्यूठान नगरपालिका शिक्षा शाखामा गराइसकेको थपलियाले बताए ।