२०८० बैशाख ३०“सबैको इच्छा, गुणस्तरीय शिक्षा” भन्ने नाराका साथ शिक्षक अभिभावक प्रशिक्षण कार्यक्रम स्वर्गद्धारी नगरपालिका ५ सारीमा शुक्रबार देखी सञ्चालन भएको कार्यक्रम शनिबार सम्पन्न भएको छ ।
बर्तमान अवस्थामा सामुदायिक विद्यालयहरुको खस्कदो शैक्षिक अवस्थालाई सुधार गर्ने उदेश्य सहित कार्यक्रम सञ्चालन गरिएको ५ नं वडा अध्यक्ष गिर बहादुर घर्ति मगरले जानकारी दिए ।
विद्यालयको भौतिक शैक्षिक व्यवस्थापनमा सुधार गर्नमा समेत यो कार्यक्रमले थप सहयोग गर्ने अध्यक्ष घर्ति भनाई छ ।
स्वर्गद्धारी नगरपालिका ५ को आयोजनामा सञ्चालन गरिएको कार्यक्रम सारी सामुदायिक भवनमा गरिएको थियो ।
गिर बहादुर घर्ति मगरको अध्यक्षतामा सुरु भएको कार्यक्रममा शिक्षाविद तथा कार्यक्रमको प्रशिक्षक घनश्याम पाठक, विद्यालय व्यवस्थापन समिति महासंघ लुम्बिनी प्रदेश सचिव तथा प्रशिक्षक महेश न्यौपाने, लुम्बिनी प्रदेश खेलकुद समितिका सदस्य प्रशिक्षक हरिस ओली, वडा सदस्यहरु, नगर शिक्षा समिति सदस्य तिलक सुनार, वडा भित्र रहेका सवै विद्यालय व्यवस्थापन समिति अध्यक्ष एवं सदस्य, टोल विकास समितिका अध्यक्षहरुको सहभागिता रहेको थियो ।
