२०८० जेठ ३जिल्लाको झिमरुक गाउपालिका प्यूठानले स्थानिय पाठ्यक्रम निमाणर् गर्ने भएको छ । आगामि शैक्षिक सत्रको कक्षा १ देखि आधारभुत तह कक्षा ८ सम्म पाठ्यक्रम लागु गर्ने भएको हो । पाठ्यक्रम निर्माणका लागि गाउँपालिकाले बृहत गोष्ठिको आयोजना गरि तयारी थालेको हो ।
स्थानीय आवश्यकताका आधारमा स्थानीय परिवेश अनुकुलका बिषय बस्तु पाठ्यक्रममा समाबेश गरिने भएको हो । स्थानीय पाठ्यक्रम निर्माण कार्यदलका सदस्य बालाराम पोख्रेलले अन्य स्थानीय तहको पाठ्यक्रम र स्थानीय आवश्यकताको पहिचान र गहन अनुसन्धान गरि तयार गरिएको जानकारी दिए ।
शिक्षा बिकास तथा समन्वय इकाइ प्युठानका प्रमुख शिबराज पण्डितले पाठ्यक्रम उपयोगी र असल कुराहरुको उजागर गर्ने र बिकृतिको निरुत्साहित गर्नुपर्ने बताए । पण्डितले समय, ऋण र क्यालेन्डर हेरेर बिद्यालय जाने शिक्षकले रुचिकर तरिकाले विद्यार्थीलाई सिकाइ उपलब्धि दिन नसक्ने उनको तर्क राखेका छन् ।
स्थानीय कला, सस्कृती, भेष भुसा, पौराणिक मठ मन्दिर आदिलाई समाबेश गरेर पाठ्यक्रम तयार हुनेछ उनले बताए । विभिन्न बिषयगत ग्रुप बनाई आएका महत्वपुणर् सुझाव ग्रहण गर्ने गरि समुह बिभाजन गरिएको शिक्षा शाखा प्रमुख मोहन बुढा क्षेत्रिले बताए ।
झिमरुक गाउपालिका अध्यक्ष पित बहादुर महतरा क्षेत्रीले शिक्षाको बिकास बिना अन्य बिकास सम्भव नहुने भन्दै शिक्षामा सबैको सहकार्य आवश्यक रहेको बताए । अध्यक्ष एमसीले भने, ‘ शिक्षाको बिकास र शैक्षिक गुणस्तर कामय गर्न सबै लाग्नुपर्छ ।’
झिमरुकको समृद्धिको लागि हामिले निर्माण गर्ने शिक्षा निति र पाठ्यक्रममा भरपर्ने भएकोले त्यस तर्फ सुझ बुझका साथ लाग्नुपर्ने एमसिले बताए । निवर्तमान गाउँपालिका अध्यक्ष तिलक बहादुर जिसीले सबैको सक्रिय सहभागिता भएको भन्दै स्थानीय पाठ्यक्रम झिमरुकमा सुहाउँदो हुनुपर्ने धारणा राखेका छन् ।
अबको शिक्षा सीपमुलक र रोजगारयुक्त हुने गरी प्रयोग मुखी शिक्षालाई प्राथमिकता दिन उनको सुझाव थियो । गाउपालिका उपाध्यक्ष प्रमोद पोख्रेलले हाम्रो झिमरुक राम्रो झिमरुक बनाउने गरि अगाडि बडनुपर्ने बताएका छन । ‘जल जमिन जङ्गल लाई महत्व दिएर पाठ्यक्रम निर्माण हुनुपर्छ’, उनले भने, “स्थानीय स्रोत साधनको उचित प्रयोग गरेर पाठ्यक्रम बनाउन लाग्नुपर्छ ।’
