२०८० जेठ ५प्यूठान अस्पतालको विकासमा सबै पक्षको सहयोग आवश्यक रहेको लुम्बिनी प्रदेश सभाका सांसद तुल्सिराम शर्माले बताएका छन् ।
शुक्रबार जिल्ला अस्पताल प्यूठानले प्यूठान अस्पतालको सेवा र समस्या विषयक अन्तरक्रिया कार्यक्रममा बोल्दै शर्माले सबै सरोकारवाला पक्ष एकढिक्का भएर लागेमा मात्र जिल्ला अस्पताल राम्रो र गुणस्तरीय बनाउन सकिने बताएका हुन् ।
शर्माले जनप्रतिनिधको हैसियतले अस्पतालको विकासमा सधै सकारात्मक भएर लाग्ने प्रतिबद्धता गरे ।
प्रदेशसभा सांसद निमा गिरीले अस्पतालका कर्मचारीहरुले जिम्मेवार भएर काम गर्नुपर्ने बताइन ।
‘अस्पतालको विकासमा राजनीति क्षेत्रबाट गर्नपर्ने सहयोग आफूहरुबाट कहिल्यै कमि हुन दिदैनौ,’उनले भनिन्,‘अस्पताल प्रशासन एकढिक्का भएर जनताको सेवामा लाग्नु पर्छ ।’
प्रमुख जिल्ला अधिकारी मदन कोईरालाले अस्पतालको व्यवस्थापनमा विशेष ध्यान दिन जरुरी रहेको बताए ।
अब अस्पतालले के गर्ने भन्ने भिजन लिएर अगाडी बढेमा अस्पतालको सेवा लगायत समग्र पक्ष सुधार गर्न सकिने उनको भनाइ थियो ।
प्यूठान अस्पताल बिकास समितिका अध्यक्ष विजयबिराज बिष्टले अस्पतालको भावि योजनाको बारेमा प्रकाश पारेका थिए ।
अस्पतालको विकास र सेवा सुधारमा सबै पक्षको साथ सहयोग र सुझाब आवश्यक रहेकाले सुझाबको लागि कार्यक्रम आयोजना गरीएको बिष्टले बताए ।
कार्यक्रममा बोल्ने अन्य बक्ताहरुले अस्पतालले दिने सेवा सुविधामा समय लाग्ने, मुस्कान सहितको सेवा कम भएको, स्वास्थ्य विमा भए पनि त्यसको पूरा कार्यन्वयन हुन नसकेको लगायतका गुनासो गरेका थिए ।
कार्यक्रममा जिल्ला समन्वय समति प्रमुख धर्मबहादुर जिसी, स्थानीय तहका प्रमुख, उपप्रमुख, विभिन्न कार्यालयका प्रमुख, समाजसेवी, औषधी पसल तथा क्लिनिकका प्रतिनिधिहरु, पत्रकार, अस्पतालका कर्मचारी लगायतको उपस्थिति थियो ।
