२०८० जेठ ६पेशागत महासंघ नेपाल जिल्ला समिति प्यूठानले जिल्ला अस्पतालमा फलफूल वितरण गरेको छ ।
महासंघको २८ औं स्थापना दिवसको अवसर पारेर शनिबार एक कार्यक्रमका विच प्यूठान अस्पतालमा रहेका ३१ जना बिरामीहरुका लागि फलफूल वितरण गरेको हो ।
फलफूल वितरण कार्यक्रममा बोल्दै अस्पताल विकास समितिका अध्यक्ष विजय विराज विष्टले फलफूल वितरणले बिरामीहरुलाई थप हौसला प्रदान गरेकोे बताए ।
अध्यक्ष विष्टले यो पेशागत महासंघ नेपालले अरु संस्था भन्दा फरक तथा बढि सेवा दिदै आएको बताउदै आगामी दिनमा पनि राज्यको अग्रपक्तिमा रहेर सेवा गर्नुपर्ने बताएका हुन् ।
कार्यक्रमको समापन गर्दै पेशागत महासंघ नेपाल जिल्ला समिति प्यूठानका अध्यक्ष दल बहादुर के.सीले यो संस्थाले व्यक्तिगत स्वार्थमा हाबी भएकालाई छायामा पार्ने बताए ।
व्यक्तिगत स्वार्थ त्यागी सेवामा समर्पण हुने गरि संस्थाले काम गरिरहेको र गर्ने पनि अध्यक्ष के.सी को भनाई थियो ।
साथै जिल्लामा थुप्रै स¥हानिय काम गरेको पनि अध्यक्ष के.सीले दाबी गरेका छन् ।
पेशागत महासंघ नेपाल संस्थाले जिम्मेवारी तथा गुणस्तरीय खालको सेवा, पेशाकर्मीको सुरक्षा तथा हकहितमा रहेर काम गर्ने, र समाज सेवामा तत्परताका साथ लाग्ने गरि यी ३ मिसन लिएर अगाडी बढेको बताए ।
राष्ट्रिय स्वास्थ्यकर्मी महासंघ नेपालका जिल्ला कमिटी अध्यक्ष खिम प्रसाद पार्धेले कार्यक्रममा स्वागत मन्तव्य राखेका थिए भने कार्यक्रमो सञ्चालन पेशागत महासंघ नेपाल जिल्ला समिति प्यूठानका सचिव गोपालय बिष्टले गरेका थिए ।
कार्यक्रममा प्रथम सम्मेलनबाट प्रदेश कमिटी सदस्यमा चयन भएका मोहन विक्रम के.के लाई बधाई तथा शुभकामना व्यक्त गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
