राप्ती गाउपालिका वडा नम्वर ९ ठाँटिखोला(घोषखोला) निवासी सन्तोष कुमार पुन अहिले ५ वर्षका भए । उनको मलद्वार छैन, चिकित्सकले पेटमा वनाईदिएको प्वालवाट दिसा गर्छन ।

२०७५ सालमा जन्मेका उनको जन्मदै मलद्वार (दिसा गर्ने प्वाल) थिएन । जन्मेको केहिदिनपछीसम्म वच्चाले दिसा गर्न नसकेपछी उनका वुवाआमा छटपटाउन थाले । उपचारका लागि टाढा लैजाने पैसा थिएन भने नवजात सन्तानको छटपछी हेरेर वस्नसक्ने अवस्था पनि !

गाउँका छिमेकि र आफन्तले थोरैधेरै सहयोग उठाएर वच्चालाई उपचारका लागि कान्ति वाल अस्पत्ताल काठमाण्डौ पुर्याए । जन्मदै मलद्वारको प्वाल नभएका उनको तत्काल अपरेशन संभव नभएपछी पेटमा प्वाल पारेर दिसा निस्कने ठाउँ वनाईयो ।

५ महिनापछी अपरेशन गरेर मलद्धारमा प्वाल वनाउने सुझावसहित चिकित्सकले घर फर्काएका सन्तोषलाई आर्थिक अभावका कारण त्यसपछी अस्पत्ताल नलगिएको उनकी आमा फनिसरा पुनले वताईन ।
लामो समय भयो बालकले निकै कस्टपुर्ण जिवन जिउदै आएका छन । राप्ती गाउँपालिकाको वर्डा नं ९ को विकट वस्ति घोषखोला जङगलको बिचमा पर्छ । खरले छाएको एउटा सानो घरमा उनिहरुको ६ जनाको परिवार बस्दै आएका छन ।

साझ बिहान खान जोहो गर्न नै धौ–धौ हुने परिवारलाई वच्चाको उपचार गर्न सहज हुने त कुरै भएन । कहिले भारतमा त कहिले नेपालमा मजदुरी गर्दै आएका गोर वहादुर पुन मगरले अहिले गाउँमै मजदुरी गर्छन । उनको मजदुरीवाट आउने पैसाले नै उनको परिवारले जिविकोपार्जन गर्दै आएको छ ।

“खाना जोहो गर्न पनि गाह्रो छ कसरी उसको(छोरा सन्तोष) उपचार गर्नु” उनको घरमै पुगेका झुलेनी पोष्टका पत्रकारसंग आफ्ना दुःख सुनाउदै गोर वहादुरले भने– “अस्पत्तालमा १ देखी २ लाखमा उपचार हुन्छ ५ महिनापछी ल्याउनु भनेका थिए । तर, त्यसपछी त्यत्रो पैसा कहिल्यै भएन त्यसैले अस्पत्ताल लगेनौँ ।”

त्यसपछी उनकी आमा फनिसराले झुलेनी पोष्टकर्मी संग दुःखका कुरा सुनाउन थालिन –“अरु दुईभाई स्कुल जान्छन् । तर, उस्ले दिसा स्याहार्न सक्दैन । पेटमा वनाएको प्वालवाट जतिवेला पनि दिसा खसिरहन्छ । त्यसैले स्कुल जाने उमेर भएर पनि जादैन ।”

केहि लाख रकम उपचारखर्च नहुँदा ५ वर्षका वालक पेटमा वनाएको प्वालवाट दिसा चुहाउँदै हिड्छन् त्यो पनि प्रदेश राजधानिको नजिकै रहेको गाउँमा भन्दा पत्यार नलाग्न सक्छ । तर, गोर वहादुरको परिवारले यो सत्यलाई निरन्तर झेलिरहेको छ ।

सहयोगको लागि वडासम्म पुगेका उनिहरुलाई वडाले ५ वर्षअगाडी सहयोग उठाउन सिफारिसमात्र दिएको गोर वहादुरले वताए । वच्चाको उपचारका लागि सहयोग गरिदिन उनिहरुको परिवारले अनुरोध गरेको छ ।

भिडियो हेर्नुहोस्…..