२०८० जेठ १२हुनसक्ने सडक दुर्घटना रोक्न र न्यूनीकरण गर्नको लागि प्यूठानमा ट्राफिक प्रहरीले मेकानिकल चेकजाँच अभियान सुरु गरेको छ।
जिल्ला ट्राफिक प्रहरी कार्यालय र यातायात ब्याबसायी को समन्वयमा शुक्रबार देखि जिल्लाका मुख्य सडक बाट ग्रामिण भेगमा जाने सडकमा गुड्ने सबै सबारी साधनलाई मेकानिक सहितको टिमद्वारा गाडिको अबस्था बुझ्दै चेकिङ्ग कार्य अगाढी बढाएको छ ।
आज पहिलो दिन चेरनेटा बरौला सडक खण्डमा गुड्ने सबै सबारी साधनलाई जाँच गर्दै गन्तब्यमा पठाएको जिल्ला ट्राफिक प्रहरी कार्यालय प्रमुख चन्द्र केसिले बताए ।
सडकमा गुड्ने साना ठुला सबै सबारी साधनको बिल बुक लाईसेन्सको अबस्था बुझ्दै र ट्राफिक नियम सम्बन्धि सचेतना जगाउदै ट्राफिकहरु सडकमा आएको उनले बताए ।
त्यस्तै कतिपय गाडिहरुमा समान्य समस्या आउने तर स्वयंम चालक लाई समेत थाहा नहुने हुदा चेकिङ्ग कै बेला गाडिको अबस्थाबारे जान्नको लागि मेकानिकल द्वारा चेकिङ्ग अभियान अगाडि बढाएको प्रमुख के सिले बताए ।
जिल्लामा सडक दुर्घटना बढ्दै गएको हुदा यसको न्यूनीकरण र सचेतना फैलाउने उदेश्यले अभियानलाई अझ तिब्रता दिदै जिल्लाका सबै ग्रामिण भेगमा पुग्ने सडको मुख्य नाकामा मेकानिकल सहितको ट्राफिक चेकजाँच गरिएको उनको भनाई छ ।
