२०८० जेठ २६स्वस्थकर जिवनशैली प्रबर्द्धन ग्रीहणीहरुका लागि भान्सा सुधार कार्यक्रम बिहिबार मल्लरानी ३ निसानटाकुरामा सम्पन्न भएको छ ।
जिल्ला आयुर्वेद प्युठानको आयोजनामा कबिराज निरीक्षक टुक बहादुर रोकाको अध्यक्षता मा प्रमुख अथिती मल्लरानी गाउपालिका ३ का वडा अध्यक्ष नोमराज पौडेलले पुरानो सस्कार सस्कृतिको संरक्षण गर्दै पराम्परागत खाना जस्तै ः आटो, ढिडो, सिस्नो, प्रयोगको अभियान लाई सुरु गर्नु पर्ने बताए ।
त्यस्तै अध्यक्ष पौडेलले प्रत्यक घरमा दुनो भैंसी पाल्नुपर्ने भन्दै दुध घ्यु गाउमै उत्पादन गरि भान्सा सुधार अभियान लाई अगाडि बढाउने बताए । त्यस्तै कार्यक्रमको सहजिकरण गर्दै कबिराज निरीक्षक टुक बहादुर रोकाले ग्रीहणीहरुका लागि भान्सा सुधार कार्यक्रममा खानपान तथा जिबनशैली सुधार, योग प्राणायाम र ध्यानका बिषयमा लाग्न जोड दिएका थिए ।
भान्सा सुधार कार्यक्रम लाई ब्यबस्थापन गर्न सके निरोगी भैई बाच्न सकिने उनले बताए । त्यस्तै आयुर्वेद निरीक्षक थानेस्वर न्यौपानेले भान्सामा प्रयोग गरिने विभिन्न जरिबुटी हरुको मात्रा, प्रयोग गरिने विधि, त्यसको फाईदा बेफाईदा र अत्यधिक औषधि उपयोगी जरिबुटिको प्रयोग गर्न आग्रह गरेका थिए ।
जिल्लाका सबै स्थानिय तहका २० वटा वडामा भान्सा सुधार कार्यक्रम संचालन गरिने रोकाले बताए । वडा अध्यक्षको संयोजकत्वमा नागरिक आरोग्य केन्द्र समेत गठन गरिएको छ ।
कार्यक्रममा विभिन्न आमा समूह, महिला स्वास्थ स्वयंसेबिका, वडामा पर्ने विभिन्न बिद्यालयका शिक्षक, समाजसेवि लगायतको सहभागिता रहेको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
