२०८० असार १० प्यूठानदुबै खुट्टा अपाङ्ग भई घस्रिएर हिड्ने प्यूठान जुम्रीकाँडाकी १४ वर्षिय बालिका मिना खत्री अहिले खुसी छिन । २ हप्ता भन्दा बढी पोखराको बसाई पछि उनी आईतबार आफ्नो गृह जिल्ला प्युठान जुम्रीकाडा पुगेकी छिन ।
उनको घस्रीएर हिड्नुपर्ने बाध्यता हराएको छ । अहिले उनी साधाराण मान्छे जस्तै गरि हिड्न सक्ने भएकी छिन । मिना मात्र होईन बुवा आमा समेत खुसिले गदगद छन । अब मिना कृत्रिम खुट्टाको सहायताले स्वयंम आफै हिडेर स्कुल जान सक्ने भएकी छिन । उनले डाक्टर राजेन्द्र पौडेल नभएको भए यो अबस्थामा आउन नसक्ने बताईन् ।
पोखरा स्वास्थ्य बिज्ञान प्रतिस्ठानमा कार्यरत अर्थोपेडिक सर्जन डाक्टर राजेन्द्र पौडेलले आफू मिनाको अबस्था परिबर्तन गरिदिनको लागि खटिएर लाएको बताए । सामाजिक सन्जालमा मिनाको तस्बिर र उनको पीडा देखेपछी पौडेलले निसुल्क उपचार गरिदिने बोलेका थिए ।
पौडेलले अहिले बिपन्न परिवारको जीवन नै परिबर्तन गरिदिएका छन । डाक्टर पौडेलले प्युठान जिल्लाका १ सय भन्दा बढी बिपन्न परिवारका बिरामिहरुको निसुल्क उपचार गरिदिएका छन भने यस अघि पनि जिल्लाका धेरै हिड्न नसक्ने बिरामिहरुलाई ह्विल चियर निसुल्क बितरण गरिदिएका छन ।
मिनाले आफ्नो कृत्रिम खुट्टा राख्न पुर्ण सहयोग गरेको भन्दै डाक्टर पौडेललाई भगवान नै मानेकी छिन । मिनाका बुवा पनि छोरिलाई बोकेर स्कुल छोड्न जानुपर्ने बाध्यता हराएको भन्दै खुसी छन । ९ महिनाको उमेरमा आगोमा जलेर मिनाको दुबै खुट्टा अपाङ्ग भएको थियो । उनी लामो समयसम्म घस्रेर जीवन बिताईरहेकि थिईन ।
