२०८० असार २५सोमवार विहान प्यूठान नगरपालिका–१,खैरामा सर्पले डसेका दुई बालबालिकालाई प्यूठान अस्पतालमा प्राथमिक उपचार सुरु गरिएको छ । अस्पतालमा एन्टि स्नेक भेनम दिएर प्रारम्भीक उपचार सुरु गरेको निमित्त मेडिकल सुपरिटेन्डेन्ट प्रमिला खलानले जानकारी दिइन ।
प्यूठान नगरपालिका १ खैराका एकै घरका १५ वर्षीय करीना र १० वर्षीय करण बस्नेतलाई सोमबार राती करीव ४ बजेतीर सुतेको समयमा सर्पले डसेको स्थानीय छन्दबहादुर बस्नेतले जानकारी दिए । प्यूठान अस्पतालमा रहेको टेलिमेडिसीन सेन्टर मार्फत भेरी अस्पताल नेपालगञ्ज बांकेका सर्पदंशरोग विशेषज्ञ कृष्ण आचार्यसंग परामर्श गरेर सर्पदंशको उपचार सुरुगरेको प्यूठान अस्पताले जनाएको छ ।
विरामीको स्वास्थ्य अवस्थालाई हेरेर बाहिर पठाउन पर्ने अवस्था पनि आउन सक्ने खनालले बताइन । एउटै विस्तारामा सुतेका भाई करणलाई छातीमा र दिदी करीनालाई हातमा सर्पले डसेको छ । दिदीलाई भन्दा भाइलाई समस्या बढी देखिएको उपचारमा संलग्न चिकित्सकहरुले बताएका छन् ।
