![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/07/Sworgadwari-Sadaak.jpg)
वर्षेने सवारी दुर्घटनामा परेर धेरै जनाको ज्यान जाने गरेको भिंगृ–स्वर्गद्धारी सडक क्षेत्रमा दुर्घटना रोक्न सडक सुरक्षाका काम हुन थालेको छ । सडक डिभिजन कार्यालय प्यूठानको पहलमा सडक बोर्ड मार्फत ११ करोड बजेटको व्यबस्था गरेर सडक सुरक्षाको काम गर्न थालेको सडक डिभिजन कार्यालय प्यूठानका प्रमुख राजिव श्रेष्ठले बताए । यसको लागि सडक डिभिजन कार्यालय प्यूठानले बोलपत्र आव्हवान समेत गरिसकेको छ ।
गत जेठ २९ गते यही सडक खण्ड अन्तर्गत टाकुरामा दुर्घटना हुँदा दाङबाट आएको जीप दुर्घटनामा परेर ८ जनाको घटनास्थलमै मृत्यु भएको थियो । त्यसपछि स्वर्गद्धारी जाने सडक सुधारको विषयमा सरोकारवाला निकायको चासो बढेको छ । यही आसार १५ गते सडक विभाग सम्भार महाशाखाका उपमहानिर्देशक प्रभातकुमार झाबाट सडकको स्थलगत निरिक्षण गरेपछि बजेटको व्यबस्था भएको कार्यालयले जनायो ।
भिंग्री–स्वर्गद्धारी सडक खण्डको (चेनेज ०+००० देखि १४+०००) मा सडक पूर्वाधार विकास कार्यालय, प्यूठानले लगाएको ठेक्का बाहेकको स्थानमा सडक सुरक्षाका काम गर्न थालिएको कार्यालयले जनाएको छ । सडक पूर्वाधार विकास कार्यालय प्यूठान मार्फत ठेक्का भएको रुमाले र घडेरी क्षेत्र बाहेक भिंगृ–स्वर्गद्धारी सडक १४ किलोमिटर सबै क्षेत्रमा सडक सुरक्षा अन्तर्गत काम गर्नेगरि ठेक्का भएको सडक डिभिजन कार्यालय प्यूठानले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)