२०८० श्रावण २६विद्यार्थीको सृजनात्मक क्षमता विकासका लागि ३ दिने कथा लेखन तालिम स्वर्गद्धारी बहुमुखी क्याम्पस पुण्यखोलामा सम्पन्न भएको छ ।
गत बुधबार देखि सुरु भएको कथा लेखन तालिम शुक्रबार सम्पन्न भएको हो ।
३ दिनसम्म सिकेका कुराहरुबाट विद्यार्थीहरुले समापन कार्यक्रममा बाल बिबाहले समाजमा निम्ताएको असर, निरन्तर लेख्ने बानी, मेहनतको सफल कथा, प्रेम त्यागपछिको सफलता, बैदेशिक रोजगारी लगायतका विषयमा कथा लेखि सुनाएका थिए । सहभागि विद्यार्थीहरुले तालिमबाट कथा लेखन सम्बन्धि धेरै कुराहरु सिक्ने सुनौलो अवसर मिलेको बताउँदै सुरुमा लेख्ने कला नहुँदा डराएको महसुस भएपनि लेख्दै जादा सामान्य कथा लेख्न सक्ने भएको अनुभवहरु सुनाएका थिए ।
तालिममा बोल्दै प्यूठान नगरपालिकाका नगरप्रमुख बिष्णु बहादुर योगीले कथा आफैमा परिवर्तनको सुत्र भएकोले यो विषय क्षमताको विकास तथा समाजको अन्तर सम्बन्धसँग जोडिएको बताए । नगरप्रमुख योगीले कथाले समाज परिवर्तनमा सहयोग पुग्ने भन्दै सहयोगको लागि आफु र नगरपालिका सधै सकारात्मक भएको प्रतिवद्धता जनाए ।
त्यस्तै कार्यक्रममा क्याम्पसका विद्यार्थीहरुले कुनै सहयोगका कुराहरु माग गरेमा स्वतन्त्र विद्यार्थी यूनियन र स्वर्गद्धारी बहुमुखी क्याम्पस तयार रहेको स्ववियू स्वर्गद्धारी बहुमुखी क्याम्पसका सभापति टेकराज के.सी ले बताए । आर्थिक आयआर्जन मात्र ठुलो कुरा नभई समाज रुपान्तरण पनि महत्वपुर्ण पाटो भएको भन्दै स्ववियूले क्याम्पसलाई विद्यार्थी मैत्री बनाउँदै थप कार्यक्रमका योजनाहरु तयार गर्ने समेत के.सीको भनाई छ ।
३ दिनसम्म चलेको तालिमको प्रशिक्षकको रुपमा रहेका बालकथाकार बिजयराज आचार्यले सुरुमा पनि यतिको लेख्न खोज्नु धेरै राम्रो भएको बताए । साथै उनले आफु बाट शिक्षा पाएकाहरु मध्य कोही चर्चित राम्रो कथाकार बन्न सके आफुलाई पनि गर्भ हुने बताए ।
स्वर्गद्धारी बहुमुखी क्याम्पसका प्रमुख गुञ्ज बहादुर खड्काको अध्यक्षतामा भएको कार्यक्रमको प्रमुख अतिथि प्यूठान नगरपालिका नगरप्रमुख बिष्णु बहादुर योगी, विशिष्ट अतिथि क्याम्पस सहायक प्रमुख राम कृष्ण शर्मा, उपप्राध्यापक दामोदर शर्मा, जगन्नाथ पोख्रेल स्ववियू सभापति टेकराज के.सी, तालिममा सहभागि विद्यार्थी लगायतको सहभागिता रहेको थियो ।
स्ववियू सदस्य केशर सुनारको स्वागत मन्तव्यसँगै सुरु भएको कार्यक्रमको सञ्चालन स्ववियू सचिव प्रेम बहादुर विश्कर्माले गरेका थिए ।
