२०८० श्रावण २९प्यूठानमा आत्महत्याको दर बढेको पाईएको छ । जिल्ला प्रहरी कार्यालय प्यूठानको तथ्यांक अनुसार गत आर्थिक बर्षको तुलनामा यस बर्ष आत्महत्याको दर बढेको देखिएको हो ।
आर्थिक बर्ष २०७८/०७९ मा ६० जनाले आत्महत्या गरेका थिए भने आर्थिक बर्ष २०७९/०८० मा विभिन्न कारणले ७० जनाले आत्महत्या गरेका छन् । गत आर्थिक बर्षमा १० जना बढिले बढेको हो ।
आत्महत्या गर्नेमा १८ बर्ष भन्दा मुनिका बालिका १३, बालक ४ गरि १७ जना बालबालिका रहेका छन् । त्यस्तै १८ देखी माथीका ३४ पुरुष र १९ महिला गरि ५३ जना रहेको जिल्ला प्रहरी कार्यालय प्यूठानले जनाएको छ । प्रहरीको अभिलेख अनुसार सबै जनाले झुन्डिएर आत्महत्या गरेका छन् ।
अत्यधिक मादक पदार्थ सेवन, वेरोजगारी, पारिवारीक समस्या, दीर्घ रोगका कारण समेत आत्महत्या भएको जिल्ला प्रहरी कार्यालय प्यूठानका बरिष्ठ नायब निरिक्षक ओमप्रकाश चौधरीले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
