साउन ३२सञ्चार तथा सूचना प्रविधी मन्त्री रेखा शर्माले सुशासन कायम गर्दै बिकृती, बिसंगती लगायत भ्रष्टाचार अन्त्य गर्न सरकार निर्मम ढंगले लागिपरेको बताएकी छिन ।
बिहिबार प्यूठानमा पत्रकार भेटघाट कार्यक्रमा बोल्दै मन्त्री शर्माले सामाजिक सञ्जालको दुरपयोगलाई नियन्त्रण गर्न नसक्दा चौतर्फी समस्या भइरहेको बताइन । यसलाइ रोक्न बिज्ञहरुसंग बसेर कानुन बनाइ नियन्त्रण गर्ने निती बनाउन सरकार लागि परेको बताइन ।
मन्त्रि शमाले बिदेशमा व्याक्ति निर्यात नगरी सेवा निर्यात गर्नको लागि आइसीटि सम्बन्धी तालिम युवाहरुलाई दिन थालेको बताएकी हुन् । यस्तै उलने प्यूठानको मुख्य सडक क्वाडी बाग्दुला सम्मको क्षेत्र फराकिलो बनाउनको लागी बजेटको पहल गरिरहेको बताइन । सञ्चार क्षेत्रको विकासको लागि आफ्नो मन्त्रालयबाट पहल भइरहेको बताउदै उनले जिल्लाका एफ एम रेडियोहरुलाइ समयमै नविकरण गर्न आग्रह गरिन ।
पत्रकार भेटघाट कार्यक्रममा नेपाल पत्रकार महासंघ प्युठान शाखाका अध्यक्ष सञ्जय रिजालले जिल्लामा सञ्चारमाध्य र सञ्चार कर्मीको अवस्थाबारे उल्लेख गरेका थिए । रिजालले सरकारले मिडियालाई नियन्त्रण गर्ने कुरामामात्र बढि ध्यानदिएका कारण सञ्चारमाध्यहरुले सम्पादकीय स्वतन्त्रताको प्रत्याभूति गर्न नपाएको बताए । कार्यक्रमको सञ्चालन नेपाल पत्रकार महासंघ प्यूठानका सचिब प्रकाश बैद्यले गरेका थिए ।
