प्यूठान, सञ्चार तथा सुचना प्रविधिमन्त्री, नेपाल सरकारको प्रवक्ता रेखा शर्माले राष्ट्रसेवक कर्मचारीले सेवाप्रवाह स्थलमा जनतासंग गर्ने व्यवाहारले नागरिकको सरकारप्रतिको वुझाई निर्धारण गर्ने वताएकी छिन् । प्यूठान जिल्लामा जिल्लास्थित कार्यालय प्रमुखहरुसंग छलफल गर्ने क्रममा मन्त्रि शर्माले सरकारको नीतिलाई जनतामाझ कार्यन्वयन गर्ने पक्ष कर्मचारी भएकाले सरकारको योजना र कर्मचारीको ईच्छाशक्तिको परिणामले सकारात्मक नतिजा दिने वताईन् ।

बर्तमान सरकारले शुसासन र सेवाप्रवाहको विषयलाई विशेष प्राथमिकताका साथ अगाडि वढाईरहेको र त्यसको सफलताको निम्ति कर्मचारीको भुमिका महत्वपुर्ण हुने मन्त्री शर्माले वताईन् । “सम्माननिय प्रधानमन्त्रिज्यूले नेतृत्व गरेर अगाडि वढाईरहनु भएको सुशासनको अभियानले हाईप्रोफाईल हुदैमा कानुन मिच्दा वच्नसक्ने र सर्वसाधारणलाई मात्र कानुन लाग्ने आम बुझाईको अन्त्य भएको छ। यो नै महत्वपुर्ण विषय हो । “शर्माले भनिन, सरकारले सेवाप्रवाहलाई चुस्त वनाउदै प्रकृयागत ढिलाई अन्त्य गरेर सहज रुपमा सेवा प्रवाह गर्ने र सुशासन तथा अनियमिततामा शून्य सहनशिलता अपनाउने नीति अवलम्वन गरेको छ। सरकारको नीति र दृढता, राष्ट्रसेवकको ईच्छाशक्ति र जनताको समर्थनले यो उपलव्धि हासिल गर्न सकिन्छ ।”

प्रमुख जिल्ला अधिकारी मदन कोईरालाको अध्यक्षतामा भएको कार्यक्रममा लुम्विनी प्रदेशका पुर्व अर्थमन्त्री कृष्णध्वज खड्काको विशेष उपस्थिती रहेको थियो। जिल्लाका सरकारी कार्यालयका प्रमुखहरुले कार्यालयको प्रगति, योजना र समस्यावारे व्रिफिङ गरेका थिए।

जनशक्ति अभाव, ठेक्का प्रणालिमा ठेकेदारले गर्ने ढिलासुस्ति, वजेट अभाव, समन्वयमा देखिएका समस्याहरु लगायत कार्यालय प्रमुखले राखेका गुनासाहरुको सम्बोधन गर्दै मन्त्री शर्माले सवै तहका कर्मचारीको समान भुमिकाले नै लक्ष्य हासिल गर्न सकिने वताईन् ।

“जनता सरकारी कार्यालयमा छिर्नेवेला गेटमा हुने व्यवहारदेखी सेवा लिने वेलाका हरेक अनुभवले नै सरकारप्रति जनताको वुझाई निस्चित गर्छ र यस्मा सवै तहका कर्मचारीको समान भुमिका हुन्छ, उनले भनिन्” ।