नेकपा एमालेको भातृ संगठन अखिल नेपाल किसान महासंघ लुम्बिनी प्रदेशको कार्यशाला गोष्ठी शुक्रबार देखी प्यूठानमा सुरु भएको छ । प्यूठान नगरपालिका २ स्थित सिद्धार्थसभाहल दाखाक्वाडीमा गोष्ठी सञ्चालन भएको हो ।

दुईदिन सम्म सञ्चालन हुने कार्यशाला गोष्ठिमा लुम्बिनी प्रदेशका १२ वटै जिल्लाबाट सहभागिता रहेको किसान महासंघ लुम्बिनी प्रदेशका सचिव मुक्ति पोख्रेलले जानकारी दिए ।

कार्यशालाको प्रमुख प्रशिक्षक नेकपा एमालेका उपमहासचिव तथा गण्डकी प्रदेशका संस्थापक मुख्यमन्त्री पृथ्वीसुब्बा गुरुङ रहेका छन् । गोष्ठिमा महासंघको केन्द्रिय अध्यक्ष प्रेम दगांल, कृषि विज्ञ भाष्कर पौडेल, घनश्याम चौधरी, कमलराज श्रेष्ठ लगायतले प्रशिक्षण दिने आयोजकले जनाएको छ ।