News Portal

रेडियो सुन्नुहोस्

प्यूठान अस्पतालमा ५ जना विशेषज्ञ सहितको टिमलाई स्वागत

बोम बहादुर परियार२०८० भदौ ८
४३६ पटक
२०८० भदौ ८

प्यूठान अस्पतालमा आज विशेषज्ञ डाक्टरहरुलाई स्वागत गरिएको छ । शुक्रबार एक कार्यक्रमका विच महिला तथा स्त्रीरोग विशेषज्ञ, बालरोग विशेषज्ञ, छातिरोग विशेषज्ञ, एनेस्थेसियोलोजिस्ट ( बेहोस बनाउने ) र मेडिकल अधिकृत लगायतलाई स्वागत गरिएको हो ।

कार्यक्रममा बोल्दै प्यूठान अस्पतालकी निमित्त मेडिकल सुपरिटेन्डेन्ट डा. प्रमिला खनालले पोखरा स्वास्थ्य विज्ञान प्रतिस्ठानमा कार्यरत हार्ड जोर्नी तथा नसा रोग विशेषज्ञ डा. राजेन्द्र पौडेलको पहल र निकसाइमोन्स इन्स्टिच्युटको सहयोगमा प्यूठान अस्पतालमा २ बर्ष सम्म कार्यकाल रहने गरि विशेषज्ञ डा. सहितको टिम ल्याइएको बताइन् । ‘साथै उनले भनिन्, जिल्लामै विशेषज्ञ सहितको टिम आएको छ, नागरिकहरुलाई सामान्य समस्याका कारण बुटवल दाङ जानुपर्ने बाध्य हटेको छ ।’ प्यूठान अस्पताललाई नमुना अस्पतालको रुपमा विकास गर्न थालिएको छ, त्यसमा सम्पूर्ण डाक्टर, कर्मचारी र सरोकारवालाहरुको सहयोग आवश्यक पर्छ ।’

प्यूठान अस्पतालको बृद्धिविकासका लागि निकसाईमोन्स इन्स्टिच्युटले विगत १२ बर्ष देखी काम गर्दै आएको छ र आगामी दिनमा पनि यस अस्ताललाई सहयोग गर्न कुनै कसुर बाकी नराख्ने निकसाइमोन्स इन्ष्टिच्यूटका सिनियर कार्यक्रम म्यानेजर डा. कासिम शाहले बताए ।

त्यस्तै प्यूठान अस्पताल विकास समितिका अध्यक्ष विजय विराज विष्टले डाक्टरहरुलाई स्वागत गर्दै निकसाईमोन्सले लिएको ३ वटा हब अस्पताल मध्ये प्यूठान अस्पताल तेस्रो नम्बरमा रहेको बताए । प्यूठान अस्पताललाई अब सुबिधाका हिसाबले पहिलो नम्बरमा लैजानले संकल्प लिएको समेत उनले दाबी गरे । प्यूठान अस्पताल जिल्लाको मात्र नभई रोल्पा, गुल्मि, अर्घाखाँची लगायतका बिरामीहरुले सेवा लिने हुँदा यसको विकासमा सबै पक्षबाट ध्यान जान जरुरी रहेको भन्दै डाक्टरहरुलाई काम गर्ने उपयूक्त बातावरण मिलाउने बताए ।

अस्पताल विकास समिति प्यूठानका अध्यक्ष विजय विराज विष्टको अध्यक्षता तथा प्रमुख अतिथि निकसाइमोन्स इन्स्टिच्युटका सिनियर कार्यक्रम म्यानेजर डा. कासिम शाह थिए भने कार्यक्रममा विशेष अतिथिको रुपमा पोखरा विज्ञान प्रतिस्ठानमा कार्यरत हार्ड जोर्नी तथा नसा रोग विशेषज्ञ डा. राजेन्द्र पौडेल रहेका थिए ।

प्रतिकृया दिनुहोस्

माण्डवीमा घरमा हुँदैनन् सुत्केरी

माण्डवी गाउँपालिकामा अहिले गाउँघरमा सुत्केरी हुन छाडेका छन् । गाउँपालिकाले दिएको तथ्यांक अनुसार चालु आर्थिक...

नौबहिनीले गर्‍यो विषयगत समितिका प्रमुखहरुसँग छलफल

नौबहिनी गाउँपालिकामा विषयगत समितिको बैठक सकिएको छ । आज सोमबार बसेको विभिन्न शाखाका शाखा प्रमुखहरुको...

लामो खडेरीले मकैबाली सुक्न थाले, किसान चिन्तित

लामोसमय सम्म पानी नपरेर मकैबाली धमाधम सुक्न थालेपछि जिल्लाभरका किसान प्रभावित भएका छन् । मुख्यबालीको...

प्यूठान नगरपालिका ३ मा भएको पशु स्वास्थ्य शिविरबाट ८४ जनाले सेवा लिए

प्यूठान नगरपालिका ३ मा पशु स्वास्थ्य शिविर सम्पन्न भएको छ । आइतबार प्यूठान नगरपाकिलाको पशु...

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...