राष्ट्रिय जनमोर्चा जिल्ला समिति प्यूठानले MCC सम्झौता खारेज सम्बन्धि विरोध प्रदर्शन तथा विरोध सभा प्यूठानमा सम्पन्न गरेको छ । बुधरबार राष्ट्रिय जनमोर्चा प्यूठानको आयोजनामा सदरमुकाम खलंगा बजारमा प्रदर्शन तथा जिल्ला प्रशासन कार्यालय अगाडी प्रदर्शन गरेको हो ।

अखिल नेपाल महिला संघकी केन्द्रिय सचीव तथा पूर्व सांसद तारा जि.सि ले विरोध सभालाई सम्बोधन गरेकी थिइन् । सम्बोधनका क्रममा जि.सीले एमसीसी सम्झौता अमेरिकाको चिन विरोधी, हिन्द प्रशान्त सैनिक रणनीतिको विवादित सैन्य सहयोग भएकाले एमसीसी नेपालको हितमा नभएको बताएकी राष्ट्रिय जनमोर्चा प्यूठानका अध्यक्ष ज्ञामुराम न्यौपानेले जानकारी दिए । अध्यक्ष न्यौपानेका अनुसार राष्ट्रिय जनमोर्चाले यस प्रकारको विरोध सभा नेपालको सबै जिल्लाका सदरमुकाममा आज एकैसाथ सम्पन्न गरेको छ ।

एमसीसी सम्झौता खारेज गर, असंलग्न परराष्ट्र नीति कायम गर, राष्ट्रिय स्वाधिनता कायम गरौ लगायतका नारा सहित विरोध गरेका थिए । विरोध सभामा राष्ट्रिय जनमोर्चाका केन्द्रिय सदस्य कृष्ण बहादुर खडका, नेकपा मसाल लुम्बिनी प्रदेशका प्रवक्ता तिलक जि.सी लगायतका नेताहरु सहभागी थिए ।

????????????????????????????????????