२०८० भदौ १९नेपाल रेडक्रस सोसाइटीको ६१औं स्थापना दिवस प्यूठानमा पनि विभिन्न कार्यक्रम गरि मनाईएको छ । प्यूठानका विभिन्न ठाउँहरुमा फरकफरक कार्यक्रम गरि दिवस मनाईएको हो ।
दिवसको अवसरमा रक्त समुह परिक्षण कार्यक्रम सम्पन्न गरिएको छ । नेपाल रेडक्रस सोसाइटि प्यूठान शाखाको प्राविधिक तथा आर्थिक सहयोगमा जिवाबति सामुदायिक विपद व्यवस्थापन समिति प्यूठान नगरपालिका ३ बिजयनगरको आयोजनामा निशुल्क रगत समुह परिक्षण (ब्लड ग्रुपिङ ) कार्यक्रम मंगलबार जुम्रीमा सम्पन्न भएको छ । कार्यक्रमममा एक सय ३६ जनाले रगत समुह जाँच गरेको रक्तसञ्चार केन्द्र प्यूठानमा कार्यरत कर्मचारी अर्जुन थापा क्षेत्रीले जानकारी दिए ।
प्यूठान अस्पतालमा विरामीहरुको चाप बढेसँगै कोही पनि विरामी रगतको अभावमा मृत्यु वरण गर्न नपरोस भन्ने उद्देश्यले रगत ग्रुप पत्ता लगाउने निशुल्क शिविर कार्यक्रमको आयोजना गरिएको जिवाबति सामुदायिक विपद व्यवस्थापन समिति प्यूठान नगरपालिका ३ का अध्यक्ष हेमन्त पाठकले बताए ।
दिवसका अवसरमा भानुभक्त मा वी बर्बाेट यूवा रेडक्रस सर्कलको आयोजनामा मल्लरानी गाउपालिका मा.वी स्तरीय हाजिरी जवाफ प्रतियोगिता सम्पन्न भएको छ । ६ वटा विद्यालय सहभागि भएको कार्यक्रममा प्रथम अमर मा.वि चुजा, द्धितिय मल्लरानी ईङ्ग्लीस बोर्डिङ स्कुल खलगां र तृतिय भानुभक्त मा.वि बर्बाेट भएको छ । बिजेताहरुले क्रमश ३ हजार, २५ सय र २ हजार प्राप्त गरेका हुन ।
भानुभक्त मा.वि बर्बाेटका प्रधानाध्यापक चक्रपाणी पौडेलको अध्यक्षतामा सञ्चालन गरिएको कार्यक्रमको प्रमुख अतिथि नेपाल रेडक्रस सोसाईटी धरमपानी उपशाखाका सभापति मोती पौडेल रहेका थिए । कार्यक्रमको सञ्चालन विद्यालयका शिक्षक नायक दिपेन्द्र पौडेलले गरेका थिए ।
त्यस्तै दिवसको अवसरमा नेपाल रेडक्रस सोसाईटी बहाने उपशाखाले पनि दिर्घरोगीका विरामीहरुलाई फलफूल वितरण गर्दै दिवस मनाएको छ ।
