२०८० असोज २८नेकपा एमालेका अध्यक्ष तथा नेपाल सरकारका पूर्व प्रधानमन्त्री केपी शर्मा ओलीले एमालेको काम देखेर गठबन्धन दलहरु आत्तिएको बताए । आइतबार नेकपा एमाले जिल्ला कमिटी प्यूठानले राखेको अगुवापंक्ति भेटघाट कार्यक्रममा बोल्दै अध्यक्ष ओलीले विपक्ष दलहरु आत्तिएर पिरोलिएको बताए । अरु पार्टीहरु चुनाव देखि चुनावसम्म र मन्त्री देखि मन्त्रीसम्म मात्र जाने सोच लिएर आएको बताउँदै अध्यक्ष ओलीले नेकपा एमाले पद भन्दा पनि कामलाई प्राथमिकतामा राखेर फरक ढङ्गले अगाडी बढ्ने बताए ।
प्यूठानको विकासमा संभावना धेरै छ, ‘ओलीले भने, यहाँको जमिन उर्वर र खेतियोग्य फाँट भएकाले बिकासको निम्ति जिल्लाले धेरै सम्भावना बोकेको छ । प्यूठानको विकास र निकासमा आफु तत्पर भएर लाग्ने बताउँदै यसमा आफ्नो ध्यानाकर्षण भएको उनले बताएका छन् । एमाले सिध्याउन सबै दलले पासो थापेको भएपनि त्यो पासोमा आफै परेको समेत उनले जिकिर गरे ।
ओलीले एक फरक प्रंसगमो कोशी प्रदेशमा मध्यावधि निर्वाचन रोक्न कांग्रेस बिद्रोहलाई समर्थन गरेको समेत बताए । उनले भने,‘ मध्यावधि चुनावमा जाँदा देशले ठूलो आर्थिक भार खेप्नुपर्थ्यो त्यहीकारण जोसुकै भएपनि समर्थन गर्ने निर्णय गर्यौ ।’ २०८४ सालमा एमाले एक्लैले ५१ प्रतिशत बढि मत लिएर आफ्नो पार्टीलाई मजबुत बनाउन सबै कार्यकर्तालाई उनले आग्रह गरेका छन् ।
