वडा स्तरीय क्रीकेट प्रतियोगितामा रोयल गिरीचौरले उपाधी हात पारेको छ । ६१ रनको लक्ष्य पाएको रोयल गिरीचौरले ११ ओभर ३ बलमा ६ विकेट गुमाएर भेटायो । फाइनलमा पुगेको बुकिडाँडा यूठ ग्रुपले निर्धारित १२ ओभरमा अलआउट हुँदै ६० रन बनाएको थियो ।
कमेन्टीमा आकृष श्रेष्ठ तथा एम्पाएरमा सनत खड्का र लाल बाहादुर खत्री रहेका थिए ।

यहि १५ गतेदेखि मल्लरानी गाउँपालिका ३ को चौरपानीमा भएको क्रीकेट प्रतियोगितामा १० टिमको सहभागिता रहेको थिाये । उत्कृष्ट क्रीकेट खेलाडीमा रोयल गिरीचौरका टिम क्याप्टेन जीवन पुन परेका छन् । बिजेता टिमले २० हजार मेडल र प्रमाणपत्र प्राप्त गरेका छन् भने उपविजेता टिमले १० हजार मेडल र प्रमाणपत्र प्राप्त गरेका छन् । उत्कृष्ट खेलाडीलाई २ हजारले सम्मान गरिएको वडा नं ३ ले जनाएको छ ।

वडा नं ३ को आयोजनामा भएको वडा स्तरीय क्रीकेट प्रतियोगिताको समापन शुक्रबार आज भएको छ । वडा अध्यक्ष नोमराज पौडेलको अध्यक्षतामा भएको कार्यक्रमको समापनमा प्रमुख अतिथि मल्लरानी गाउँपालिका उपाध्यक्ष रमेश श्रेष्ठ रहेका थिए ।