नेपाल बाल साहित्य समाजले २८ औं राष्ट्रिय बाल साहित्य सम्मेलनको अवसरमा पत्रकार भेटघाट कार्यक्रम गरेको छ । नेपाल बाल साहित्य समाजले आइतबार विहान आयुष्मा होटल नयाँ बजार जुम्रीमा पत्रकार भेटघाट गरि यहि मसिंर ९ र १० गते २ दिन हुन गईरहेको २८ औं बाल साहित्य सम्मेलन हुने बारे जानकारी गराएको हो ।

कार्यक्रममा ४ सय बढि विद्यार्थीहरुको सहभागितामा कथा लेखन र हस्त लेखन प्रतियोगिता गर्ने आयोजकले बताएको छ । साथै कार्यक्रमले बालबालिका तथा किशोरकिशोरीहरुमा सिर्जनशिल सहित सिप विकास गर्ने, नेपाली बालपुस्तकहरुबारे जानकारी हुने, लोककथा, संस्कार तथा संस्कृतिको आदानप्रदान हुने, आन्तरिक पर्यटनमा टेवा पुग्ने लगायतका उदेश्य सहित कार्यक्रम गर्न लागेको कार्यक्रमका संयोजक बिमला खनालले बताईन् । उनका अनुसार मंसिर ९ गते बिहान ७ बजे खलंगामा प्रभातफेरी हुने, सोही दिन बिहान १० :  ३० बजे जनता मा.वि बाग्दुलामा सम्मेलनको उदघाटन गरि १० गतेसम्म प्रशिक्षण हुने छ ।