प्यूठान नगरपालिका वडा नं ३ ले यूवा खेलाडीको लागि पोषाक र खेल सामाग्री वितरण गरेको छ । वडाले आर्थिक बर्ष २०८०/०८१ मा खेल क्षेत्रको लागि भनेर बार्षिक विनियोजित बजेटमा ५० हजार रकम छुट्याएको थियो ।

सोही अनुरुप वडाले वडामा रहेका बिजयनगर जुम्री, मान्द्रेचौर, घुुर्चौने र ओखरबोट गरि ४ समुहलाई खेल सामाग्री वितरण गरिएको वडाध्यक्ष सुमनराज श्रेष्ठले जानकारी दिए । उनका अनुसार “स्वास्थ्यको लागि खेलकुद, राष्ट्रका लागि खेलकुद” भन्ने नारालाई आत्मासाथ गर्दै शारिरीक रुपमा समेत तन्दुरुस्त बनाउन सहयोग गर्ने भन्दै यूवा खेलाडीलाई खेल सामाग्री वितरण गरिएको हो ।

फोटो : सुमनराज श्रेष्ठ