News Portal

रेडियो सुन्नुहोस्

प्याव्सन प्यूठानको नवौ साधारण सभा सम्पन्न

बोम बहादुर परियार२०८० पुस २७
१३१ पटक
२०८० पुस २७

निजी ताथा आवासिय विद्यालय अर्गनाइजेशन (प्याव्सन) प्यूठानको नवौ बार्षिक साधारण सभा शुक्रवार जुम्रीमा सम्पन्न भएको छ ।

प्याव्सन प्यूठानका जिल्ला अध्यक्ष दिपेन्द्र जिसीको अध्यक्षतामा प्रमुख अतिथी केन्द्रिय उपाध्यक्ष बिष्णु पन्थी रहेका थिए । कार्यक्रममा बोल्दै प्रमुख अतिथी पन्थीले मुलुकमा शिक्षाकर्मीले जिवन समर्पण गरेर नेपालको शिक्षा विकासलाई अगाडि वढाउनको लागी शिक्षाकर्मीले गरेको काम उपलव्धी र नेपालमा शिक्षा विकासमा गरेको योगदानलाई राज्यले, राजनितिक पाटीहरुले कहिल्यैपनी मुल्याङकन नगरेको बताए । शिक्षाकर्मीहरुकै सहयोगमा देशको राजनीतीक परिवर्तत र मुलुक परिवर्तन भएको बताउदै पन्थीले कम्पनीमै संचालन भएका निजी बिद्यालयहरुलाई कम्पनीमै संचालन गर्न  पाउने सरकारले वातावरण मिलाउनुपर्ने वताए । अहिले ९५ प्रतिशत निजि क्षेत्रका बिद्यार्थीहरुले स्कलरसिपमा नाम निकाल्न सफल भएको उनले ठोकुवा समेत गरे ।

त्यस्तै प्याव्सनका पुर्व अध्यक्ष जगन्नाथ प्रोख्रलले प्यूठानमा निजी विद्यालयहरु नभएको भए प्यूठानको शैक्षिक इन्डिकेटर साह्रै तल पर्ने वताएका छन ।

प्यूठान जिल्लाबाट २०७९ को एस.इ.इ परीक्षामा सबैभन्दा बढि अङक र जि.पी.ए ल्याउने बिद्यार्थी पनि निजी बिद्यालयकै रहेको प्याव्सन प्युठानका सचिव सरद गौतमले वताए ।

कार्यक्रममा  प्याव्सनले प्यूठान बाट २०७९ सालको एस.इ.इ. मा जिल्ला प्रथम, दोस्रो र तेस्रो हुने बिद्यार्थीका अविभावकलाइ वोलाएर सम्मान गरेको हो ।

प्युठान नगरपालिका टिकुरीकी आरध्या पण्डितले ३ दशमलव ८५ जि.पी.ए ल्याई जिल्ला प्रथम भएकी थिइन् । त्यस्तै प्युठान नगरपालिकाकै किस्मत थापाले ३ दशमलव ८ जि.पी.ए ल्याई दोस्रो भएका थिए । स्वर्गद्धारी नगरपालिका ३ का प्रवेस श्रेष्ठ पनि ३ दशमलव ८ जि.पी.ए ल्याइ दोस्रो भएका हुन । त्यस्तै प्यूठान नगरपालिका ७ टिकुरीका सुवर्ण बैद्य ३ दशमलव ७५ जि.पी.ए ल्याई जिल्ला तेस्रो भएका थिए ।

हाल जिल्लामा ३९ वटा निजी विद्यालयहरु संचालनमा रहेका छन । जस मध्य ७ वटा मा.वि र बाकि आधारभुत विद्यालयहरु संचालनमा रहेको प्याव्सन प्यूठानले जनाएको छ ।

त्यस्तै प्यूठान नगरपालिका भित्र ११ वटा निजि बिद्यालयहरु संचालनमा रहेको निजी ताथा आवासिय विद्यालय अर्गनाइजेशन प्याव्सन प्यूठान नगरपालिकाका अध्यक्ष कमल योगीले बताए ।

कार्यक्रममा लुम्बिनी प्रदेशका प्याव्सनका अध्यक्ष लालहरी पाण्डे अन्य सदस्यहरु र प्यूठान जिल्ला स्थित सम्पूर्ण निजि विद्यालयहरुका प्रमुख तथा प्रतिनिधिहरु सहभागि भएका थिए ।

प्याव्सन प्यूठानका जिल्ला अध्यक्ष दिपेन्द्र जिसीको अध्यक्षतामा सुरु भएको कार्यक्रमको संचालन सचिव सरद सुवेदीले गरेका थिए भने स्वागत मन्तव्य उपाध्यक्ष जनकलाल रिजालले गरेका हुन ।

प्रतिकृया दिनुहोस्

नौबहिनीले गर्‍यो विषयगत समितिका प्रमुखहरुसँग छलफल

नौबहिनी गाउँपालिकामा विषयगत समितिको बैठक सकिएको छ । आज सोमबार बसेको विभिन्न शाखाका शाखा प्रमुखहरुको...

लामो खडेरीले मकैबाली सुक्न थाले, किसान चिन्तित

लामोसमय सम्म पानी नपरेर मकैबाली धमाधम सुक्न थालेपछि जिल्लाभरका किसान प्रभावित भएका छन् । मुख्यबालीको...

प्यूठान नगरपालिका ३ मा भएको पशु स्वास्थ्य शिविरबाट ८४ जनाले सेवा लिए

प्यूठान नगरपालिका ३ मा पशु स्वास्थ्य शिविर सम्पन्न भएको छ । आइतबार प्यूठान नगरपाकिलाको पशु...

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...