२०८० माघ ४स्वर्गद्धारी नगरपालिकाले बुधबार जेष्ठ नागरिक सम्मान कार्यक्रम अन्तर्गत उत्कृष्ट स्याहार कर्ता ३ जनलाई सम्मान गरेको छ । नगर स्तरीय जेष्ठ नागरिक सञ्जालको आयोजना तथा स्वर्गद्वारी नगरपालिकाको आर्थिक सहयोग र महिला तथा बालबालिका शाखाको समन्वयमा स्वर्गद्धारी नगरपालिका ३ जलुकेमा सम्मान गरिएको हो ।
स्वर्गद्वारी नगरपालिकाको जेष्ठ नागरिक सम्मान कार्यक्रम अन्तर्गत जेष्ठ नागरिक स्याहार कर्ताका रुपमा वडा नं ५ सारीका समाजसेवी ओविराम पौडेलको धर्मपत्नी पार्वती पौडेललाई ससुरा बुवा र सासू आमालाई उत्कृष्ट स्याहार गरेबापत सम्मान गरिएको छ । त्यस्तै वडा नं ३ का जेष्ठ नागरिक जित प्रसाद आचार्यको स्याहार गरेका छोरा पदम आचार्य र वडा नं ७ का तुल्सीराम अधिकारलाई बुहारी कल्पना थापाले उत्कृष्ट स्याहार गरेको भन्दै सम्मान गरिएको छ ।
पछिल्लो समयम जेष्ठ नागरिकलाई बृद्धाआश्रममा लैजाने, अपहेलना गर्ने जस्ता कार्य देखिएको भन्दै नगरपालिकाले यसलाई मध्यनजर गर्दै सो कार्यक्रम गरिएको जनाएको छ । साथै जेष्ठ नागरिकलाई गर्नुपर्ने सबै स्याहार उनीहरुले गरेको भन्दै उत्कृष्ट जेष्ठ नागरिक सम्मान गरिएको सामाजिक विकास समिति संयोजक तथा ५ नं वडाध्यक्ष गिर बहादुर घर्तीमगरले जानकारी दिए ।
नगरस्तरीय जेष्ठ नागरिक सञ्जालका कार्यावाहक अध्यक्ष नेत्रा बुढाथोकीको अध्यक्षतामा सञ्चालन भएको कार्यक्रममा प्रमुख अतिथि नगर प्रमुख टेक प्रसाद भण्डारी, विशेष अतिथि उपप्रमुख मिनराज रानामगर, अतिथिमा वडा नं २ का वडाध्यक्ष बुद्धिराम पुनमगर, स्वास्थ्य शाखा प्रमुख दल बहादुर के.सी, महिला तथा बालबालिका शाखा प्रमुख निमा डांगी, जेष्ठ नागरिक सञ्जालका पदाधिकारी, स्थानीय लगायतको सहभागिता थियो ।
फोटो : गिर बहादुर घर्तीमगर
