प्युठान,१८ मंसिरप्यूठानमा जडिबुटीको निर्यात बढको छ । जिल्लाबाट गत आर्थिक वर्ष २०७४÷०७५ को असार मसान्तसम्ममा जिल्लाका विभिन्न वनबाट करिव १६ मेट्रिक टन जडिबुटी जिल्ला बाहिर निर्यात भएको छ । जिल्लाका वनबाट विभिन्न प्रजातिका १ लाख ५८ हजार ३ सय १३ दशमलब ५ किलो जडिबुटी निर्यात भएको हो । गत बर्ष निर्यात नभएका विभिन्न जडिबुटी यस बर्ष निर्यात भएको जिल्ला डिभिजन बन कार्यालय प्यूठानले जानकारी दिएको छ ।
५४ हजार १ सय ९१ रुपियाँ राजश्व संकलन
जडिबुटी निकासीबाट ५४ हजार १ सय ९१ रुपैया राजस्व संकलन भएको छ । यस वर्ष सबैभन्दा धेरै टिमुर निकासी भएको डिभिजन बन कार्यालय प्यूठानका प्रमुख अम्बिका प्रसाद पौडेलले जानकारी दिनुभयो । उहाँका अनुसार यस वर्ष जिल्लाका व्यक्तिगत,निजी र राष्ट्रिय वनबाट टिमुर,रिठा,दालचिनीको बोक्रा,पात मलाय गेडी,काउलाको बोक्रा,चुत्रा तथा तेजपात,अल्लो धागो,पखनबेद,लोक्ता, साधारण च्याउ लगायतका जडीबुटी निकासी भएको छ ।
विभिन्न प्रकारका जडिवुटी निर्यात
यस वर्ष जिल्लाबाट विभिन्न प्रकारका जडिवुटी निर्यात गरिएको छ । १५ हजार २ सय ३८ किलोग्राम टिमुर, दालचिनीको बोक्रा र पात गरी कुल १ लाख ७ हजार ९ सय ७३ किलोग्राम,रिठा १२ हजार ८ सय ८० किलोग्राम निकासी भएको छ । ५ सय किलोगा्रम मलाय गेडी,११ हजार १० किलोगा्रम काउलाको बोक्रा,चुत्रो ५ हजार १ सय ८० किलोगा्रम,अमला १५० किलोगा्रम,अल्लोको धागो २ हजार ८ सय ७३ किलोग्राम,पखनबेद १ हजार ९ सय ६८ किलोगा्रम,लोक्ता ५२५ किलोगा्रम र साधारण च्याउ साढे १५ किलोगा्रम निकासी भएको छ । गत आर्थिक बर्ष २०७३÷०७४ मा १९ मेट्रिक टन जडिबुटी निर्यात भएको थियो ।
३ करोड भन्दा वढी मुल्यको जडिबुटी निकासा
डिभिजन बन कार्यालयका अनुसार यो अबधि सम्ममा ३ करोड भन्दा बढी मुल्य बराबरको जडीबुटी जिल्लाबाट निकासा भएको छ । उत्पादित जडिबुटी नेपालको कृष्णनगर,कपिलबस्तु र नेपालगञ्ज सहित भारतीय बजारमा समेत पुग्ने गरेको छ । जिल्लामा जडिबुटी उत्पादन र विस्तारको लागी ५ बर्षे कार्ययोजना बनाएर जिल्ला बन कार्यालय अघि बढेको डिभिजन बन कार्यालय प्यूठानकाप्रमुख अम्बिका प्रसाद पौडेलले बताउनुभयो । ‘कार्ययोजना लक्ष्य अनुसार जडिबुटी उत्पादन र निर्यात गर्ने नसकिएका छँैनौ तर किसानहरुले जडिबुटीबाट रामै्र आम्दानी गरेका छन ।’ यस वर्ष गत वर्षमा विक्रि नभएको साधारण च्याउ पनि निकासी भएको उहाँले बताउनुभयो ।
जिल्लामा जडिबुटी बिक्रीवाट राम्रो अम्दानी गरेका छन । यस वर्ष प्यूठानमा ८ सयदेखि १ हजारसम्म टिमुर विक्री गरेका छन् । वनमा आधारित बस्तु अन्र्तगत १ बर्षको अवधीमा १ हजार ९ सय ४५ किलो अल्लो जिल्ला बाहिर निकासी भएको हो । जिल्लाको उत्तरीक्षेत्रका साथै तिराम, पकला,हँसपुर लगायतका क्षेत्रमा बढि जडिबुटी उत्पादन भएको हुने गरेको डिभिजन बन कार्यालय प्युठानले जानकारी दिएको छ ।
