२०८० फागुन १०जिल्ला खानेपानी तथा सरसफाई डिभिजन कार्यालय प्यूठान अन्तर्गतका योजनाहरुमा प्रयाप्त बजेट नआएका कारण भुक्तानीमा समस्या भएको छ । अघिल्लो आर्थिक वर्षमा उपभोक्ता समिति, ठेक्कापट्टा मार्फत निर्माण सम्झौता भएका योजानाहरुमा बजेट नआएपछि भुक्तानीमा समस्या भएको कार्यालयले जनाएको छ ।
विशेष गरेर लुम्बिीनी प्रदेश अन्तर्गतका योजनाहरुमा बजेट नआएपछि भुक्तानी गर्न समस्या भएको खानेपानी तथा सरसफाई डिभिजन कार्यालय प्यूठानका प्रमुख बेदप्रसाद आचार्यले जानकारी गराए । आचार्यका अनुसार कार्यालयले प्रदेश अन्तर्गतका योजनाहरुको ६ करोड ४३ लाख ८ हजार २ सय ४९ रुपैयाँ र संघ अन्तगर्तका योजनाहरुको ३५ लाख रुपैयाँ भुक्तानी गर्न बाँकी छ । ‘भुक्तानीको लागि उपभोक्ता समिति र ठेकेदारले दिनहँु ताकेता गर्दछन,’आचार्यले भने,‘रकम नै छैन । कसरी भुक्तिानी गर्नु ।’ काम भएर भुक्तानी गर्नपर्ने योजनाहरुको लागि प्रदेश र संघमा बजेटका लागि ताकेता गरिरहेको आचार्यले बताए ।
आचार्यका अनुसार कार्यालय बजेट अभावका कारण नयाँ योजनाहरुमा काम गर्न भन्दापनि पूराना निर्माणाधिन अलपत्र योजनाहरुमै अल्झिन परेको छ । प्यूठान जिल्लामा थोरै÷थोरै बजेट आएर काम थालिएका प्रदेशको २० र संघको ६ वटा योजनाहरु अलपत्र अवस्थामा रहेको कार्यालयले जनाएको छ । यी २६ वटा योजनाहरु सम्पन्न नभएपछि प्यूठानका झन्डै ७ हजार घरधुरी पानीको धारा जोड्नबाट बञ्चित भएका छन् ।
प्रदेश अन्तर्गतका बुक्तिचौर खानेपानी योजना, झिमरुक ७ लिप्ट खानेपानी योजना, झिमरुक बृहत लिप्ट खानेपानी योजना मल्लरानी लगायत छन् । यस्तै संघ अन्तर्गत सातमुले बर्जिबाङ खानेपानी योजना, बांगेसाल खानेपानी योजना सरुमारानी १ लगायतका योजनाहरु छन् । प्रदेश अन्तरर्गतका योजनाहरु सम्पन्न गर्नको लागि ६९ करोड ९४ लाख १४ हजार र संघ अन्तरर्गतका योजनाहरुको लागि १४ करोड ९२ लाख २० हजार रुपैयांँ लागत लाग्ने कार्यालले जनाएको छ ।
