काठमाण्डौको सुन्धारामा सडक व्यापारी र महानगर प्रहरीबिच झडप हुँदा प्यूठानका पत्रकार पदमप्रसाद पोख्रेल घाइते भएका छन्। सडक व्यापारीलाई हटाउने क्रममा भएको झडपमा प्यूठानका पत्रकार पोख्रेल पनि घाईते भएका हुन। पोख्रेलको घर प्यूठानको नौबहिनी गाउँपालिका ८ लुप्लुङ्ग हो । उनी कामको सिलसिलामा काठ्माण्डौ गएको बताएका छन् ।

बुधवार साँझ भएको झडपमा केही सडक व्यापारी र महानगर प्रहरी पनि घाईते भएका छन् । आफू सडकमा हिडिरहेको बेला बल प्रयोग गरेर सडक व्यापारीलाई हटाईरहेको देखेपछी सोहि भिडियो खिच्ने क्रममा प्रहरीले आफुलाई आक्रमण गरेको पोख्रेलले बताए । आफ्नो परिचयपत्र, मोवाईल, ल्यापटप र झोला समेत प्रहरीले जफत गरेको उनले बताए। ट्रमा सेन्टरमा उपचारपछी पोख्रेलले अहिले आराम गरिरहेका छन्।

यसैबिच नेपाल पत्रकार महासंघ प्यूठानमा आबद्ध पोख्रेललाई काठमाण्डौको सुन्धारामा सडक व्यापारीलाई हटाउने क्रममा व्यापारी र महानगर प्रहरीबिच भएको झडपमा गरिएको आक्रमणप्रति नेपाल पत्रकार महासंघ प्यूठानले आपत्ति जनाएको छ । महासंघका सचिव प्रकाश वैद्यद्धारा हस्ताक्षरित विज्ञप्ती मार्फत आफुलाई पत्रकार भनेर चिनाउँदा चिनाउँदै गरेको यस्तो कार्य प्रेस तथा अभिव्यक्ति स्वतन्त्रता बिरोधी भएको भन्दै महानगरको ध्यानाकर्षण गराएको जनाएको छ । साथै जफत गरिएका सामग्री तत्काल फिर्ता गर्न समेत महासंघले अनुरोध गरेको छ ।

पोख्रेल प्राणमञ्च राष्ट्रिय मासिक तथा प्राणमञ्च डटकम अनलाइनका प्रधान सम्पादक हुन ।