राष्ट्रिय स्वाधीनता,स्वतन्त्रता , सिमा सुरक्षा र बिद्यार्थी अनुशासनको पक्षमा हाम्रो आन्दोलन बलात्कार ,हत्या हिंसा, गुण्डागर्दी तथा शैक्षिक व्यापारिकरण र भ्रस्टिकरणको विरुद्ध भन्ने मुल नारा सहित कम्युनिष्ट्र अभियान प्युठानमा पनि सञ्चालन भएको छ । अखिल क्रान्तिकारी प्युठानको अयोजनामा स्वर्गद्धारी बहुमुखी क्याम्पस पुण्यखोलामा अभियानको उद्घाटन गरिएको हो । यहि मंसिर १८ गते पोखरा, कैलाली, झापा, काठमान्डौबाट एकैसाथ उद्घाटन भएपश्चात नेपाल भर यो अभियान सञ्चालन भएको अखिल क्रान्तिकारीका केन्द्रिय सचिवालय सदस्य पदम पोख्रेलले जानकारी दिए ।
अभियानकै क्रममा स्वर्गद्धारी बहुमुखी क्याम्पसमा अध्ययनरत विद्यार्थीहरुलाई प्रशिक्षण गरिएको थियो । कम्युनिष्ट्र आन्दोलनमा माक्र्सवादी अनुशासनमा भयङकर खडेरी परेको र त्यसको सिकार आम बिद्यार्र्थी पनि भएकोले देशै भरका सम्पूर्ण यूवा विद्यार्थीहरुलाई मुख्य त मालेमावादी नैतिक आदर्शमा रुपान्तरण गरेमा मात्र देश स्वाधिन, स्वतन्त्र एवं अधिकार सम्पन्न नेपाली जनता हुने, संगठनको केन्द्रीय निश्कर्ष अनुरुप देशव्यापी अभियान चलाईएको पोख्रेलले जानकारी दिए । यहि अभियानकै क्रममा शैक्षिक माफिया र दलालहरुलाइ तल पार्दै बैज्ञानिक समाजवादी शिक्षा प्राप्तिको आन्दोलनलाई उचाईमा पु¥याउन कम्युनिष्ट्र विद्यार्थी अभियान सार्थक हुने संगठनले विश्वास गरेको उनले बताए ।
अभियानको उद्घाटनकै क्रममा उद्घाटनकै अवसरमा सुवास केसी सहित संगठनमा आवद्व १७ सदस्यीय क्याम्पस मुल इकाई समिति गठन गरिएको समेत उनले जानकारी दिए ।
अखिल क्रान्तिकारीका जिल्ला सभापती बाल ब.घर्तीको अध्यक्षतामा भएको अभियान कार्यक्रममा प्रमुख अतिथि अखिल क्रान्तिकारीका केन्द्रिय सदस्य तथा राप्ति व्युरो ईन्चार्ज पदम प्रसाद पोख्रेल रहेका थिए ।