झुलेनी नेटवर्क२०८१ बैशाख २४
२०८१ बैशाख २४नेकपा एमाले प्यूठान नगरकमिटीको प्रथम बैठक उमेश स्मृति प्रतिष्ठान भवन बिजुवारमा सम्पन्न भएको छ । नगरकमिटी अध्यक्ष गिरुप्रसाद भण्डारीको अध्यक्षतामा भएको बैठकले नगरभित्रका १० वटै वडामा भेला तथा बैठक आगामी जेष्ठ १० गतेभित्र सक्ने निर्णय गरेको छ ।
साथै भेलाले नेकपा एमालेको आगामी जेष्ठ २० र २१ गते हुने १० औं जिल्ला अधिवेशनमा सहभागि हुने प्रतिनिधिहरुको छनोट समेत १० गते भित्र गरिसक्ने नगरकमिटी सचिव पार्वता आचार्यले बताईन् ।
नगरकमिटीको बैठकमा नेकपा एमाले पोलिटव्यूरो सदस्य तथा प्रतिनिधि सभा सदस्य सूर्य थापा, लुम्बिनी प्रदेश सांसद माननीय तुल्सीराम शर्मा, नेकपा एमाले जिल्ला कमिटी अध्यक्ष बिजयविराज विष्ट लगायतले बैठकमा शुभकामना मन्तव्य राखेका नेकपा एमाले प्यूठान नगरकमिटीले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
