प्रतिनिधि सभा सदस्य सूर्य थापाले नेकपा एमालेले सञ्चालन गरेको मिसन ग्रासरुट अभियानको क्रममा प्यूठानमा मोटरसाइकल दुर्घटनामा परि निधन भएका रामबहादुर थापा गोपालको स्मृतिमा अक्षयकोष स्थापना गरेका छन् ।

आफ्नो जन्मदिनको अवसर पारेर सांसद थापाले गोपालले अध्ययन गरेको ऐरावती गाउँपालिका–६ बिजुलीस्थित जनता माध्यमिक विद्यालयमा अक्षयकोष स्थापना गर्ने घोषणा गरेका हुन् ।

“जन्मदिनको अवसरमा यसपालि मैले प्युठानको ऐरावती ६, बिजुलीस्थित जनता माध्यमिक विद्यालयमा ५० हजार रूपैंयाको अक्षयकोष स्थापना गर्ने निर्णय गरेको छु।” सांसद थापाले फेसबुकमा लेखेका छन् – “प्रतिनिधिसभा सदस्यको हैसियतमा एक महिनाको पारिश्रमिकबाट पार्टीको लेबी र कर कट्टा गरी बाकी रकमको अक्षयकोष राखी त्यसबाट प्राप्त हुने ब्याजबाट हरेक वर्ष विद्यालयका जेहेन्दार र विपन्न विद्यार्थीलाई रामबहादुर थापा गोपाल स्मृति छात्रवृत्ति प्रदान गरिनेछ।”

मृतक थापा नेकपा एमाले प्युठानका जिल्ला कमिटी सदस्य थिए ।