![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2024/07/final-raktadan-768x400.jpg)
लायन्स क्लब अफ प्यूठानले रक्तदान कार्यक्रम गरेको छ । ५९औं रक्तसञ्चार दिवसको अवसर पारेर शनिबार विहान रक्तसञ्चार केन्द्र विजुवारमा “रक्तदान जीवनदा” भन्ने नारासहित एक कार्यक्रमका विच रक्तदान कार्यक्रम गरेको हो । यो अवसरमा १० जनाले रक्तदान गरेको लायन्स क्लब अफ प्यूठानकी अध्यक्ष कमला रिजालले बताईन् ।
सो अवसरमा प्यूठान अस्पताल बिजुवारका कार्यलय प्रमुख डा. राजेन्द्र पौडेलले पहिलो पटक रक्तदान गरेका छन् । रक्तसञ्चार दिवसको अवसरमा डाक्टर पौडेलले पहिलो पटक रक्तदान गर्न पाउँदा आफु उत्साहित भएको बताए ।
लायन्स क्लब अफ प्यूठानका प्रथम उपाध्यक्ष नविन कुमार श्रेष्ठले हालसम्म २४ पटक रक्तदान गरिसकेका छन् । रक्तदान गर्दा शरीर समेत स्वस्थ हुने भन्दै उपाध्यक्ष श्रेष्ठले विभिन्न समयमा गरी २४ पटक रगत दिईसकेको बताए । रगत आवश्यकता पर्ने विरामीहरुको अवस्थालाई मध्येनजर गर्दै मानविय सेवालाई समेत ध्यानमा राखेर रगत दान गरेको उनको भनाई छ ।
लायन्स क्लब अफ प्यूठानका चियर पर्सन अर्जुन कुमार कक्षपति, लायन्स क्लब प्यूठानकी अध्यक्ष कमला रिजाल, प्रथम उपाध्यक्ष नविन कुमार श्रेष्ठ, प्यूठान अस्पतालका कार्यालय प्रमुख डा. राजेन्द्र पौडेल, कमल श्रेष्ठ, विशाल खड्का, विनायक थापा, गोबिन्द कार्की, लोक बहादुर बस्नेत, केशव पाण्डे लगायतले रक्तदान गरेका हुन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)