रामेछापको दोरम्बा शैलुङ गाउँपालिका-३ टोकरपुरको लेकखर्क पहिरोमा परी ६ जनाको मृत्यु भएको छ । प्रहरीका अनुसार पहिरोमा परी मृत्यु हुनेहरूमा १७ वर्षीय सन्दीप पहरी, ३० वर्षीया  चण्डिका थापामगर,   १८ महिनाका आमस थापा मगर , ४० वर्षीया उर्मिला पहरी,  १८ वर्षीय विज्ञान पहरी र १४ वर्षीय सन्तोष पहरीको रहेका छन् । १० वर्षीया अन्जना पहरीलाई घाइते अवस्थामा उद्धार गरिएको छ ।

प्रहरीका अनुसार अझै ४ जना सम्पर्कविहीन रहेका छन् ।