स्थानीय तह संस्थागत क्षमता स्वमूल्याङ्कन (लिजा) नतिजामा नौबहिनी गाउँपालिका प्युठान जिल्लामै उत्कृष्ट देखिएको छ । सङ्घीय मामिला तथा सामान्य प्रशासन मन्त्रालयले बिहीबार सार्वजनिक गरेको आ.व. २०७९/८० को लिजाको नतिजामा नौवहिनी गाउँपालिकाले ८५ अंक लिएको छ । देशकै ८० अङ्क भन्दा राम्रो नतिजा ल्याउने पालिकाहरू मध्ये नौबहिनी अब्बलमा देखिन्छ । झिमरुक गाउँपालिकाले ७७ दशमलव ७५ अङ्क सहित दोस्रो भएको छ ।

त्यसैगरी सरुमारानी गाउँपालिकाले ७७ दशमलव ५० , प्युठान नगरपालिकाले ७२, स्वर्गद्वारी नगरपालिका ७६ दशमलव ५०, मल्लरानी गाउँपालिका ७१ दशमलव ७५ , माण्डवी गाउँपालिका ७६, ऐरावती गाउँपालिकाले ६७ दशमलव ५० र गौमुखी गाउँपालिकाले ६६ दशमलव ५० अङ्क प्राप्त गरेको मन्त्रालयले जारी गरेको सूचनामा उल्लेख छ ।

सङ्घीय मामिला तथा सामान्य प्रशासन मन्त्रालयले प्रत्येक आर्थिक वर्षमा शासकीय प्रबन्ध, सङ्गठन तथा प्रशासनको अवस्था, वार्षिक बजेट तथा योजना तर्जुमा व्यवस्थापन, वित्तीय एवम् आर्थिक व्यवस्थापन, सेवा प्रवाहको अवस्था, सहकार्य र समन्वयको अवस्था लगायतका विषयहरूलाई मूल्याङ्कनको आधार मानेर जिलाको नतिजा सार्वजनिक गर्दछ ।