प्रेस काउन्सिल नेपालले आफ्नो ५५औं वार्षिकोत्सवका अवसरमा बिभिन्न पुरस्कारहरु घोषणा गरेको छ ।

काउन्सिलको वार्षिकोत्सवका अवसरमा आज गोपालदास पत्रकारिता पुरस्कारसहित विभिन्न पुरस्कार राष्टपतिको उपस्थितिमा वितरण गरिदै छ ।

यस वर्षको प्रेस काउन्सिल गोपालदास पत्रकारिता पुरस्कार अन्नपूर्ण पोष्ट दैनिकका प्रधानसम्पादक अखण्ड भण्डारी र नेपाल प्रेस इन्स्टिच्युटलाई संयुक्त रूपमा प्रदान गर्ने घोषणा गरिएको छ । यस पुरस्कारको राशि एक लाख ५१ हजार रुपैयाँ रहेको छ ।

यस्तै १ लाख १० हजार रुपैयाँ राशि रहेको प्रेस काउन्सिल सुरेन्द्रबहादुर बस्नेत पत्रकारिता पुरस्कार बर्दिया स्थायी घर भएका पत्रकार बद्री सिग्देललाई प्रदान गरिनेछ ।

प्रेस काउन्सिल आचारसंहिता पुरस्कार भने रातोपाटी डटकमले पाउने भएको छ ।