नागबेली बहुउद्देश्यीय कृषि सहकारी संस्थाले किसानलाइ मुर्रा क्रस भैँसी वितरण सुरु गरेको छ । शुक्रवार एक कार्यक्रमका बिच १० वटा उन्नत जात मुर्राक्रस भैसी बितरण गरेको हो ।

कार्यक्रमअन्तरगत छनोट भएका ३४ मध्य पहिलो चरणमा १० कृषकलाई वितरण गरिएको सहकारीका अध्यक्ष विष्णु पाण्डेले बताए। कृषकले चिट्टाको माध्यमबाट भैंसी छनोट गरेका थिए। ग्रामीण उद्यम तथा आर्थिक विकास आयोजना बुटवलको आर्थिक सहयोगमा कृषकको ५० प्रतिशत लागतमा भैसी बितरण गरिएको पाण्डेले बताए ।

भैसी वितरण कार्यक्रमकामा बोल्दै प्यूठान नगरपालिकाका नगरप्रमुख विष्णु बहादुर योगीले दुध र तरकारीका क्षेत्रमा प्यूठान नगरपालिकालाइ आत्मनिर्भर बनाउने योजना रहेको बताए । योगिले किसानले पाल्दै आएका भैसीहरुको निशुल्क बिमा गरिदिन पहल गर्ने बताए ।

नागवेलीले कृषि तथा पशुपन्छी विकास मन्त्रालय, ग्रामीण उद्यम तथा आर्थिक विकास आयोजना, भैँसी पालन दूध उत्पादन तथा बजारीकरण उप–आयोजनाको ६८ लाख र लाभग्राही कृषकको ६८ लाख गरी १ करोड ३६ लाखको परियोजना सञ्चालन गरेको छ। उक्त परियोजना अन्तर्गत भैँसी तथा राँगा वितरण सँगसँगै पूर्वाधार(गोठ) निर्माण, उन्नत भैँसी खरिद, मोटर सहित च्याँपाकटर खरिद, दाना मिल, मिल्क चिलिंगभ्याट, पावरटिलर खरिद, मिल्क एनालाईजर, औषधी खरिद, दाना खरिद, सिप तथा क्षमता विकास लगायतका कार्यक्रम सञ्चालन हुने पाण्डेले बताए । किसानले पाउने ४२ मुर्रा क्रस भैँसी मध्य शुक्रवार १० वटा वितरण गरिएको थियो। अर्काे हप्ता थप भैसी बितरण गरिने अध्यक्ष पाण्डेले बताए ।