प्यूठान नगरपालिका–८ दम्तीमा बनेको सब–स्टेसन हस्तान्तरण नहुँदा नियमित सञ्चालनमा आउन सकेको छैन।

नियमित सञ्चालनमा ल्याउनका लागि नेपाल बिध्युत प्राधिकरणले प्राधिकरणको प्यूठान वितरण केन्द्रलाई हस्तान्तरण गर्नुपर्ने वितरण केन्द्रका प्रमुख महेश कुमार दासले बताए । ‘काम सम्पन्न सुरु गर्न सकिने भएको हो, पूर्ण रूपमा सञ्चालनका लागि हामीलाई प्राधिकरणले हस्तान्तरण गर्नु पर्ने हुन्छ, हस्तान्तरण पक्रियाका लागि कागजात बनाएर पठाएका छौँ । एक दुई महिना लाग्छ ।’दासले झुलेनी नेटवर्कसँग भने। अहिले दन्ती नजिक मात्र सब-स्टेसनबाट लाइन दिइएको उनको भनाई छ।

२०७२ सालदेखि निर्माण सुरु गरेर अलपत्र छोडिएको सब–स्टेसन सर्वपक्षीय निर्णयबाट नेपाल विद्युत् प्राधिकरणले ठेक्का तोडी सम्पन्न गरेको थियो । अहिले नेपाल विद्युत् प्राधिकरणबाट हस्तान्तरण नहुँदा सब–स्टेसन सञ्चालनमा आउन सकेको छैन ।