आत्महत्या रोकथाम तथा न्यूनीकरण गर्न जिल्ला स्थित सरकोरवालाहरु एकमत भएका छन् । जिल्लामा आत्महत्याका घटनाहरु कमी नआउँदा सामाजिक जटिलता बढ्दै गएको भन्दै यसको न्यूकिकरणका लागि साझा धारणा निर्माण गरिएको हो ।

जिल्ला प्रशासन कार्यालय, प्यूठानको आयोजना तथा जिल्ला प्रहरी कार्यालय , प्यूठानको सहकार्यमा जिल्ला समन्वय समितिको सभाहल खलंगामा आत्महत्या रोकथाम तथा न्यूनीकरण सम्बन्धि अन्तरक्रिया कार्यक्रम शुक्रबार सम्पन्न भएको छ ।

कार्यक्रमबाट आठ वटा साझा निर्णयहरु भएका छन् । जसमा प्रत्येक पालिकाहरुले आत्महत्या न्यूनीकरण गर्न पालिकामा कम्तिमा एक जना मनोपरामर्शकर्ताको व्यवस्था गर्ने र उक्त परामर्शकर्ताले समुदायमा गइ समस्या निरन्तर सुन्ने र समाधान गर्न पहल गर्ने निर्णय गरिएको छ । पालिका तथा वडा स्तरमा गठित आत्महत्या न्यूनीकरण तथा व्यवस्थापन समितिका पदाधिकारीहरुले तालुक निकायहरु संग समन्वय गरी आफ्नो पालिका र वडाभित्र एक एक महिनाको अन्तरमा नियमित कार्यक्रम सञ्चालन गरिने भएको छ ।

मानसिक समस्या भएका व्यक्तिहरुलाई परामर्श उपलब्ध गराउन छुट्टै हेल्प डेस्क र ज्भउि ीष्लभ व्यवस्थाको व्यवस्थापन प्रत्येक पालिकाले गर्ने, संघ तथा प्रदेश सरकारसंग वजेटको माग गर्ने र स्थानीय तहले प्रत्येक वर्ष वार्षिक बजेट छुट्टाउने, स्कुल कलेजमा शैक्षिक जनचेतना फैलाउन पालिका र स्कुलको प्रधानाध्यापकबीच समन्वय गर्ने, मदिरा विक्री वितरण, उपयोग र नियन्त्रण गर्न सबै पालिकाले सबै सरोकारवालाहरुमा समन्वय र सहकार्य गर्ने लगायतका निर्णयहरु भएको प्रमुख जिल्ला अधिकारी रमा आचार्यले जानकारी दिइन् ।

प्रमुख जिल्ला अधिकारी आचार्यको अध्यक्षता तथा सञ्चालनमा भएको कार्यक्रममा लुम्बिनी प्रदेश सभा सदस्य निमा गिरी, जिल्लाका स्थानीय तहका प्रमुख तथा प्रतिनिधी, प्रमुख प्रशासकीय अधिकृतहरु, कार्यालय प्रमुखहरु र सरोकारवालाको उपस्थिती रहेको थियो ।